Paris Saint-Germain yanze abakinnyi batatu na miliyoni €100 byatanzwe na Real Madrid kuri Neymar

By Mugisha Aimé-Thierry Aug 22, 2019 11:10am 741 Views

Paris Saint-Germain yanze abakinnyi batatu na miliyoni €100 byatanzwe na Real Madrid kuri Neymar


Gusohoka muri Paris Saint-Germain kwa Neymar bikomeje kugaragara ko bizagorana cyane nyuma yuko iyi kipe yo mu gihugu cy'Ubufaransa yanze miliyoni 100 z'ama euros kongeraho abakinnyi batatu yari yatanzwe na Real Madrid nkuko byatangajwe n'ibinyamakuru byo ku mugabane w'Uburayi.

Kuwa Gatatu nimugoroba nibwo hatangiye gusakara inkuru ivuga ko Paris Saint-Germain yanze miliyoni 100 kongeraho Gareth Bale, James Rodriguez na Keylor Navas bari batanzwe na Real Madrid kugira ngo yegukane Neymar bigaragara ko ashaka gusohoka muri Paris Saint-Germain.

Paris Saint-Germain iherutse kwanga ibyo Barcelona yabasabaga ko basinyisha uyu musore ku ntizanyo ubundi akazagurwa byatumye Real Madrid ishaka guhita ifatirana ikareba ko yamwegukana ariko ibyo yatanze ntabwo bihagije kuri iyi kipe yegukanye shampiyona y'Ubufaransa y'umwaka w'imikino ushize.

Paris Saint-Gerimain yasinyishije Neymar mu myaka ibiri ishize imuguze miliyoni 222 z'ama euro byamugize umukinnyi uhenze kw'Isi none bikaba bivugwa ko Juventus, Barcelona na Real Madrid zifuza uyu musore nazo zigomba gutanga andi mafaranga menshi kugira ngo zimwegukane.


Gira icyo ubivugaho


INKURU BIJYANYE


By Kwizera Yamini
Oct 25, 2017 9481 Views

By Kwizera Yamini
Oct 26, 2017 2848 Views

By Kwizera Yamini
Oct 27, 2017 3504 Views