Nyuma y'umukino wa athletic Bilbao, Umukinnyi wa Real Madrid yaciye agahigo muri shampiyona ya Espagne.

By Kwizera Yamini Dec 3, 2017 07:28am 1724 Views

nyuma y'umukino wa athletic Bilbao, Umukinnyi wa Real Madrid yaciye agahigo muri shampiyona ya Espagne.


Umukinnyi ukinira ikipe ya Real Madrid yaciye agahigo kadakenewe muri shampiyona ya Espagne izwi nka La Liga.

Myugariro witwa Sergio Ramos, yaciye agahigo kadakenewe ko kuba ariwe mukinnyi wambere muri iyi shampiyona umaze gusohorwa mukibuga incuro nyinshi yeretswe ikarita itukura.

Uyu mukinnyi akaba yaciye aka gahigo k’umugoroba w’ejo kuwa gatandatu nyuma yo kwerekwa ikarita itukura k’umukino wahuzaga iyi kipe yakinagamo na Athletic Bilbao.

Hari m’umukino wo k’umunsi wa 14 wa shampiyona ya Espagne, warangiye ikipe ya Real Madrid itawitwayemo neza kuko warangiye amakipe yombi anganya ubusa k’ubusa.

Uyu mukinnyi yeretswe ikarita y’umutuku nyuma yo gutera inkokora myugariro wa Athletic Bilbao witwa Aritz Aduriz.

Byari bibaye ubugira 19 uyu mukinnyi yerekwa ikarita y’umutuku, akaba yahise arusha Xavi Aguado ndetse na Pablo Alfaro beretswe ikarita itukura ubugira 18.

Iyi karita y’umutuku yeretswe Ramos ntacyo yahinduye k’umukino n’ubwo ikipe ya Real Madrid yagombaga kuwutsinda kugirango igabanye ikinnyuranyo cy’amanota yari ari hagati yayo na FC Barcelona iyoboye urutonde rw’agateganyo kugeza ubu.

Sergio Ramos agomba gusiba umukino utaha ikipe ya Real Madrid izahuramo n’ikipe ya Sevilla mucyumweru gitaha.

Kugeza ubu, nibwo bwambere ikipe ya Real Madrid imaze gutakaza amanota menshi mumikino 14 ibanza ya shampiyona ya Espagne mumyaka icumi ishize.

Ikipe ya FC Barceloa iyoboye urutonde rwa shampiyona yagumye irusha ikipe ya Real Madrid amanota umunani. Aya makipe akaba agomba guhura tariki ya 23 z’uku kwezi turimo.


Gira icyo ubivugaho


INKURU BIJYANYE


By Kwizera Yamini
Oct 25, 2017 9156 Views

By Kwizera Yamini
Oct 26, 2017 2591 Views

By Kwizera Yamini
Oct 27, 2017 3316 Views