BREAKING NEWS: Kizigenza wa Chelsea amaze gusinya amasezerano mashya

By Mugisha Aimé Thierry May 10, 2019 06:21pm 2800 Views

BREAKING NEWS: Kizigenza wa Chelsea amaze gusinya amasezerano mashya


Myugariro wa Chelsea, David Luiz amaze kongera amasezerano y'imyaka ibiri muri iyi kipe nkuko iyi kipe yageze ku mukino wa nyuma wa UEFA Europa League imaze kubitangaza. Uyu musore wavukiye muri Brazil yafashije Chelsea kugera ku mukino wa nyuma wa Europa League ku munsi wejo aho bakuyemo Eintracht Frankfurt bayitsinze kuri penaliti.

Ibi bibaye nyuma yuko uyu musore yari yatangaje ko araza kongera amasezerano muri Chelsea vuba bidatinze aho amasezerano yari asanzwe afitanye na Chelsea yari kugera ku musozo ku mpera zuyu mwaka w'imikino ariko yongeyeho indi myaka ibiri bisobanuye ko azarangira mu mwaka wa 2021.

David Luiz aganira n'ikinyamakuru cya Chelsea - “Ndishimye cyane kuba mbonye amahirwe yo kuguma muri iyi kipe. Nkunda iyi kipe kandi nzahora nyikunda cyane. Bisobanuye byinshi kuba twarageze ku wundi mukino wa nyuma mu marushanwa yo ku mugabane w'Uburayi kandi turacyafite amahirwe yo gusoza mu makipea atatu ya  mbere muri Premier League muri uyu mwaka w'imikino, nzakomeza kugerageza uko nshoboye ngo mfashe ikipe.”

David Luiz amaze gukina imikino igera kuri 246 muri Chelsea atsinda ibitego 18 byonyine. Ni umwe mu bakinnyi bafashije Chelsea mu gutwara Premier League bari kumwe na Antonio Conte mu mwaka wa 2016-2017 kandi yari umwe mubakinnyi begukanye igikombe cya Champions League mu mwaka wa 2011-2012 mu mwaka we wa mbere kuri Stamford Bridge.


Gira icyo ubivugaho


INKURU BIJYANYE


By Kwizera Yamini
Nov 26, 2017 3958 Views

By Kwizera Yamini
Dec 7, 2017 7892 Views

By Kwizera Yamini
Jan 21, 2018 3223 Views