Chelsea na Arsenal zitumye Ubwongereza bukomeza kwandika amateka ku mugabane w'Uburayi

By Mugisha Aimé Thierry May 9, 2019 10:46pm 3318 Views

Chelsea na Arsenal zitumye Ubwongereza bukomeza kwandika amateka ku mugabane w'Uburayi


Abongereza bakomeje kwwandika amateka nyuma yuko Liverpool na Tottenham Hotspur zihuriye ku mukino wa nyuma wa Champions League zombi zikomoka mu gihugu cy'Ubwongereza, Arsenal na Chelsea nazo zigeze ku mukino wa nyuma wa UEFA Europa League nazo zituruka mu gihugu cy'Ubwongereza.

Image

Ni imikino ibiri ya 1/2 kirangiza cya Europa League ishyizweho akadomo mukanya kashize aho amakipe yo mu Bwongereza ageze ku mukino wa nyuma harimo Arsenal yasezereye Valencia yo muri Espanye ndetse na Chelsea yasezereye Eintrach Frankfurd yo mu Budage aho aya makipe azahurira ku mukino wa nyuma taliki ya 29 Gicurasi 2019 ku kibuga cyitwa Baku giherereye muri Kazakzstan.

kuwSjfR3?format=png&name=small

Arsenal yabashije kugera ku mukino wa nyuma isezereye Valencia iyitsinze imikino ibiri aho byose hamwe ari ibitego 7-3, nyuma yuko umukino ubanza warangiye Arsenal itsinze Valencia ibitego 3-1 uyu munsi hari hateganyijwe umukino wo  kwishyura wagombaga kubera ku kibuga cya Valencia, Mestalla Stadium,

Image

Pierre Emerick Aubameyang watsinze ibitego bitatu wenyine n'ikindi cyatsinzwe na Alexander Lacazette nibo bahagaritse urugendo rwa Valencia yari yabanje igitego hakiri kare bayitsinda ibitego 4-2 imbere y'abafana bayo aho ibitego bibiri bya Valencia byatsinzwe na Kevin Gameiro.

Image

Ku rundi ruhande Chelsea ya Maurizio Sarri yariri kwisobanura na Eintrach Frankfurt yo mu Budage aho umukino ubanza wari warangiye amakipe yombi aganyije igitego 1-1 ari nako uyu munsi byaje kugenda. Ruben Loftus-Cheek niwe wafunguye amazamu ku ruhande rwa Chelsea mu gihe igitego cyaje kwishyurwa na Luka Jovic wigaragaje cyane muri Europa League ku ruhande rwa Eintracht Frankfurt.

Image

Kubera ko amakipe yombi yari anganyije imikino ibiri yose ku bitego 2-2 byabaye ngombwa ko bitabaza iminota 30 y'inyongera ariko ntibyagira icyo bitanga noneho bifashisha kamarampaka abenshi bazi nka penaliti. Chelsea yaje kwitwara neza ibifashijwemo na Kepa Arrizabalaga itsinda Eintrach Frankfurt penaliti 4-3 ihita yerekeza ku mukino wa nyuma.

Image

Amateka aranditswe muri uyu mwaka w'imikino mu marushanwa yo ku mugabane w'Uburayi aho umukino wa nyuma wa UEFA Champions League na UEFA Europa League ugezweho n'amakipe yo mu gihugu cy'Ubwongereza yari amaze igihe kinini afatwa nkayazimye. Amakipe agezeyo ni Liverpool, Tottenham Hotspur, Arsenal na Chelsea kubwanjye navuga ngo ni umwaka w'Abongereza.

Image

PENALITI: Chelsea v Eintracht Frankfurt

✅ 0-1 | Sebastien Haller 

✅ 1-1 | Ross Barkley 

✅ 1-2 | Luka Jovic

❌ 1-2 | Cesar Azpilicuera

✅ 1-3 | Jonathan de Guzman

✅ 2-3 | Jorginho

❌ 2-3 | Martin Hinteregger

✅ 3-3 | David Luiz

❌ 3-3 | Goncalo Paciencia

✅ 4-3 | Eden Hazard 

Image


Gira icyo ubivugaho


INKURU BIJYANYE


By Kwizera Yamini
Oct 26, 2017 2907 Views

By Kwizera Yamini
Oct 26, 2017 7763 Views

By Kwizera Yamini
Oct 26, 2017 3778 Views