Amaso ya Gormahia ahanzwe umutoza wa Rayon sport nyuma y'isezera rya Dylan kuri uyu wa kane

By Ngabo Frank Nov 16, 2018 06:12am 235 Views

Amaso ya Gormahia ahanzwe umutoza wa Rayon sport nyuma y'isezera rya Dylan kuri uyu wa kane


Ikipe y'ubukombe mu gihugu cya Kenya Gormahia Fc bakunze kwita K'Ogalo ishobora gusinyisha umutoza wa Rayon sport igihe haba ubwumvikane nyuma ya Dylan Kerr wasezeye

Umutoza Dylan Kerr wageze muri Gormahia FC mu mwaka w’imikino 2017-2018 avuye muri Simba SC yo muri Tanzania yamaze gusezera iyi kipe nkuko amakuru dukesha ikinyamakuru Futaa abitangaza Kerr yamaze kwandikira ubuyobozi bw'ikipe ya Gormahia atangaza ubwegure bwe nyuma umwaka w'imikino 2017-2018 yatojemo Gormahia akayifasha kwegukana igikombe cya Shampiyona ya Kenya ndetse akanageza iyi kipe mu mikino y'amatsinda ya Total CAF Confederations cup aho yari mu itsinda rimwe na Rayon sport 

Mu masaha y'umugoroba wo kuwa kane nibwo umuyobozi wa Gormahia Ambrose Rachier yahamirije itangazamakuru ko yakiriye ibaruwa ya Dylan Kerr isezera ku kazi ko gutoza ikipe ya Gormahia ndetse uyu muyobozi Rachier Ambrose anaboneraho umwanya wo kwifuriza Kerr amahirwe masa ahandi azakomereza umwuga we w'ubutoza

Amakuru agera ku kinyamakuru Imikino.net avuga ko ubuyobozi bwa Gormahia bumaze iminsi buganira n'umutoza wa Rayon sport Robertinho Conclaves ndetse na mbere y'isezera rya Kerr abayobozi ba Gormahia baganiraga na Robertinho ufite amasezerano y'umwaka umwe muri Rayon sport ngo abe yajya gusimbura Dylan Kerr isaha n'isaha yaba atandukanye na K'Ogalo cyakora ntiturabasha kumenya icyo Robertinho Calmo abitekerezaho

Umuyobozi wa Gormahia Ambrose Rachier yabwiye itangazamakuru ko bagiye gushaka undi mutoza mu gihe bitegura umukino wa mbere mu irushanwa rihuza amakipe yabaye aya mbere iwayo Total CAF champions league aho bazakira ikipe ya Big Bullets yo mu gihugu cya Malawi tariki 27,Ugushyingo,2018 mu mugi wa Nairobi


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views