Urutonde rw’abakinnyi bahembwa amafaranga menshi muri shampiyona y’abongereza (Premier League)

By Kwizera Yamini Feb 1, 2018 07:40pm 2299 Views

Urutonde rw’abakinnyi bahembwa amafaranga menshi muri shampiyona y’abongereza (Premier League)


Nyuma y’uko isoko ry’igura n’igurisha ry’abakinnyi k’umugabane w’iburayi rifunga imiryango yaryo k’umunsi w’ejo, abakinnyi barimo Mesut Ozil ndetse na Alexis Sanchez bahise bazamuka k’urutonde rw’abakinnyi bahembwa amafaranga menshi muri shampiyona y’abongereza izwi nka English Premier League.

Dore muri rusange uko abakinnyi bakurikirana muguhembwa agatubutse muri shampiyona y’abongereza duhereye kumwanya wa cumi:

10. Cesc Fabregas             

Umukinnyi ukina hagati mukibuga mu ikipe ya Chelsea witwa Cesc Fabregas araza kumwanya wa cumi mubakinnyi bahembwa agatubutse muri shampiyona y’abongereza. Uyu mukinnyi, ahembwa ibihumbi £220,000 buri cyumweru.

10. Eden Hazard

Umukinnyi ukomoka mugihugu cy’ububirigi ukina hagati mukibuga asatira izamu mu ikipe ya Cheslsea witwa Eden Hazard araza kumwanya wa cumi kuri uru rutonde aho ahembwa ibihumbi £220,000 buri cyumweru, amafaranga anganya na Cesc Fabregas.

10. Yaya Toure

Umukinnyi ukomoka mugihugu cya Cote d’Ivoire akaba akina hagati mukibuga mu ikipe ya Manchester City witwa Yaya Toure, n’ubwo atagihabwa umwanya uhagije wo kubanza mukibuga ahanini kubera abakinnyi bawuhatanira, nawe araza kumwanya wa cumi kuri uru rutonde aho nawe ahembwa ibihumbi 220,000 buri cyumweru.

10. Zlatan Ibrahimovic  

Rutahizamu wa Manchester United ukomoka mugihugu cya Sweden witwa Zlatan Ibrahimovic, n’ubwo nawe atajya abanza mukibuga, ahanini kubera imvune ikomeye aheruka kugira akaba yaragowe no kongera kugaruka mubihe bye byiza, nawe araza kumwanya wa 10 aho ahembwa ibihumbi 220,000 buri cyumweru, amafaranga anganya na Eden Hazard, Yaya Toure, ndetse na Cesc Fabregas.

6. Romelu Lukaku

Rutahizamu ukomoka mugihugu cy’ububirigi akaba akinira ikipe ya Manchester United, nyuma yo kwerekeza muri iyi kipe avuye mu ikipe ya Everton ku isoko ry’igura n’igurisha ry’abakinnyi ryo mumpeshyi ishize, araza kumwanya wa gatandatu kuri uru rutonde rw’abakinnyi bahembwa agatubutse muri shampiyona y’abongereza, aho ahembwa £250,000 buri cyumweru.

6. Kevin de Bruyne

Uyu mukinnyi ukomoka mugihugu cy’ububirigi akaba akina hagati mukibuga mu ikipe ya Manchester City, nawe araza  kumwanya wa gatandatu, aho nawe ahembwa ibihumbi £250,000 buri cyumweru, amafaranga anganya na mugenzi we ukina mu ikipe ya Manchester United witwa Romelu Lukaku.

4. Sergio Aguero

Rutahizamu ukomoka mugihugu cya Argentine akaba akinira ikipe ya Manchester City witwa Sergio aguero, araza kumwanya wa kane k’urutonde rw’abakinnyi bahembwa amafaranga menshi muri shampiyona y’abongereza aho ahembwa £260,000 buri cyumweru.

3. Paul Pogba

Umukinnyi ukomoka mugihgu cy’ubufaransa akaba akinira ikipe ya Manchester united witwa Paul Pogba araza kumwanya wa gatatu kuri uru rutonde aho ahembwa ibihumbi £290,000 buri cyumweru. Uyu mukinnyi akaba yaraguzwe na Manchester United mumwaka wa 2016, aho icyo gihe yahise aca n’agahigo ko kuba ariwe mukinnyi wambere wari uguzwe amafaranga menshi ku isi, aguzwe £89,3m, agahigo yakuweho na Neymar Jr umwaka ushize ubwo yavaga mu ikipe ya FC Barcelona yerekeza mu ikipe ya PSG.

2. Mesut Ozil

Kumunsi w’ejo nibwo umukinnyi ukomoka mugihugu cy’ubudage akaba akinira ikipe ya Arsenal witwa Mesut Ozil yongereye amasezerano mu ikipe ya Arsenal aho azageza mumwaka wa 2021 akinira iyi kipe yo mumujyi wa London, amasezerano yahise amutereka kumwanya wa kabiri kuri uru rutonde aho ahembwa 350,000 buri cyumweru.

1. Alexis Sanchez

 

Uyu mukinnyi ukomoka mugihugu cya Chile, nyuma yo kwerekeza mu ikipe ya Manchester United avuye mu ikipe ya arsenal ku isoko ry’igura n’igurisha ry’abakinnyi ryafunze imiryango k’umunsi w’ejo yahise aza kumwanya wambereu rutonde kuri ur aho azajya ahembwa £500,000 buri cyumweru.


Gira icyo ubivugaho


INKURU BIJYANYE


By Kwizera Yamini
Oct 26, 2017 2907 Views

By Kwizera Yamini
Oct 26, 2017 7763 Views

By Kwizera Yamini
Oct 26, 2017 3778 Views