Final ya Super Classico ifatwa nk'umukino wa mbere ukomeye ku isi yimuriwe ku mugabane w'u Burayi nyuma y'imvururu zikomeye

By Ngabo Frank Nov 29, 2018 09:19pm 330 Views

Final ya Super Classico ifatwa nk'umukino wa mbere ukomeye ku isi yimuriwe ku mugabane w'u Burayi nyuma y'imvururu zikomeye


Mu isi y'abaryoherwa na Ruhago hazwi umukino w'ishyiraniro bitari ugukina gusa ahubwo bizamo n'imirwano y'ubudasiba hagati y'abakeba ba mbere mu mateka ya Ruhago y'isi ari bo Boca Junior na River Plate zo mu gihugu cya Argentine.

Aya makipe yatangiye ubukeba mu nwaka w' 1913 aherutse kugira amahirwe yo guhurira mu mikino ibiri ya nyuma isoza irushanwa rihuza amakipe yabaye aya mbere iwayo ku mugabane w' America y'epfo Copa Libertadores, ariko iyi mikino yombi ntiyabasha gukinwa kuko hakinwe umukino ubanza gusa aho ikipe ya River Plate yakiriye Boca Junior kuri stade ya yo yitwa El-monumental amakipe yombi akanganya ibitego 2-2, ariko umukino wo kwishyura wari uteganijwe tariki 24 Ugushyingo 2018 ntiwaba kubera imvururu zabaye kuri stade ya Boca Junior yitwa La Bombonera ndetse abakinnyi babiri ba Boca Junior bakahakomerekera.

Nyuma y'imvururu zabaye kuri stade ya Boca Junior bigatuma umukino wa nyuma wa Copa Libertadores usubikwa, ishyirahamwe ry'umupira w'amaguru muri America yepfo CONMEBOL ryahisemo kwimurira uyu mukino kuri Stade ya Real Madrid mu gihugu cya Espagne nyuma yo kubyumvikanaho na Real Madrid ndetse n'aya makipe yombi, ahanini bitewe no kutizera umutekano uhagije mu gihugu cya Argentine aho biteganijwe ko uyu mukino uzaba tariki 9 ukuboza 2018 ndetse ari na ho uzatwara igikombe cya Copa Libertadores 2017-2018 azamenyekanira.

Tariki 23 Kamena 1968 ikipe nyuma y'umukino wari wahuje aya makipe yombi kuri stade ya River plate El-Monumental habereye imvururu zitazibagirana mu mateka ya Ruhago ya Argentine ubwo abafana basohokaga muri stade bashyamiranira mu muryango wa Stade bararwana karahava bituma abantu 71 biganjemo abana batoya bahasiga ubuzima naho abasaga 150 barahakomerekera bikabije.

Mu mikino 247 imaze guhuza aya makipe yombi akomoka mu murwa mukuru wa Argentine Buenos Aires ikipe ya Boca Junior yashinzwe na Rubanda rugufi imaze gutsinda inshuro 88 banganya imikino 78 naho River plate itsinda ishuro 81,

Mu mwaka wa 2016 ibinyamakuru bitatu byandikirwa mu bwongereza ari byo Telegraph, Diarly Mirror na FourFourTwo byanditse intonde z'imikino ikomeye ku isi (Derbies) byose bihuriza ku kuba uyu mukino uhuza Boca Junior na River plate bakunze kwita Super Classico ari wo mukino wa Ruhago ukomeye kurusha indi yose ku isi.


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views