PL: Ibyaranze umunsi wa 28 wa shampiyona yo mu gihugu cy' ubwongereza muri rusange

By Mugisha Aimé Thierry Feb 28, 2019 02:24am 2677 Views

PL: Ibyaranze umunsi wa 28 wa shampiyona yo mu gihugu cy' ubwongereza muri rusange


Shampiyona yo mu gihugu cy' ubwongereza yari yakomeje ku munsi wa 28 wa shampiyona aho amakipe akomeye yose yabyitwayemo neza cyane, tugiye kurebera hamwe bimwe mu bintu by' ingenzi byagaragaye kuri uyu munsi wa 28 wa shampiyona tugendeye kuri buri mukino wagenze muri rusange.

FT: Cardiff City 0-3 Everton

Everton yabashije kwegukana amanota atatu itsinze Cardiff City ibitego 3-0 byatsinzwe na Gylfi Sigurdsson watsinzemo ibitego bibiri n' ikindi cyatsinzwe na Dominic Calvert Lewin nibyo byatumye Everton yegukana amanota atatu yo kuri uyu munsi.

Ibitego bibiri Glyfi Sigurdsson yatsinze byatumye aba umukinnyi wa mbere utsinze iitego byinshi (57) muri shampiyona yo mu gihugu cy' ubwongereza ariko ukomoka muri Iceland akuyeho agahigo kari gafitwe na Eider Gudjohansen wari ufite ifitego 55 byose.

Cardiff City 0-3 Everton

FT: Huddersfield 1-0 Wolves

Igitego cya Steve Mounie nicyo yatumye Huddersfield Town yegukana amanota itsinze Wolverhampton Wanderers nyuma yuko yari imaze imikino igera kuri 14 itabona intsinzi muri shampiyona yo mu gihugu cy' ubwongereza.

Wolverhampton Wanderers imaze gutakaza imikino icyenda (9) ihura na Huddersfiel Town ku kibuga cya Huddersfield Town byumvikane ko nubundi ari ikipe isanzwe iyishobora.

Image

FT: Leicester City 2-1 Brighton 

Jamie Vardy na Demarai Gray nibo bafashije Leicester City kwitwara neza ikabona amanota atatu nyuma yo gutandukana na Claude Puel ikemeza Brendan Rodgers nk' umutoza mushya mu gihe Davy Propper ariwe watsindiye Brighton & Hove Albion.

Leicester City yari imaze imikino itandatu (6) itabona intsinzi muri shampiyona yo mu gihugu cy' ubwongereza kuko yaherukaga gutsinda ubwo yakinaga na Everton ikayitsinda igitego 1-0.

Image

FT: Newcastle United 2-0 Bunley  

Ibitego bya Fabian Schar na Sean Longstaff nibyo byafashije abasore ba Rafael Benitez kwegukana amanota atatu batsinze Bunley yari imaze kwitwara neza itsinda Tottenham Hotspur mu mukino yaherukaga gukina muri shampiyona.

Ni ubwa mbere Newcastle United yatsinda Bunley imikino ibiri yikurikiranya muri shampiyona yo mu gihugu cy' ubwongereza kuva 1954/1955 kandi yari yarabashije gutsinda imikino ibiri (2) mu mikino 11 ihura na Bunley mbere yuko bakina uyu mukino.

Newcastle United 2-0 Burnley

FT: Arsenal 5-1 AFC Bournemouths

Arsenal ikomeje kubyitwaramo neza cyane muri iyi minsi yatsinze AFC Bournemouths ibitego 5-1 mu mukino wabereye Emiratse Stadium ibitego byatsinzwe na Pierre Emerick Aubameyang, Laurent Kochienly, Alexander Lacazette na Mesut Ozil mu gihe igitego kimwe rukumbi cya Boutnemouths cyatsinzwe na Lys Mousset.

Alexander Lacazette yabaye umukinnyi wa gatanu ubashije gutsindira Arsenal igitego mu mikino itanu yo mu rugo (Emirates Stadium) yikurikiranya muri shampiyona yo mu gihugu cy' ubwongerza kandi akaba uwa mbere ubikoze kuva muri Robin Van Persie yabikora muri 2012.

Image

FT: Southampton 2-0 Fulham

James Ward Peowse na Oriol Romeu nibyo byafashije abatagatifu gutsinda Fulham bigahita bituma bava mu makipe atatu ya nyuma muri shampiyona yo mu gihgu cy' ubwongereza.

Southampton ni ubwa mbere itsinze ikipe yazamutse ivuye mu kiciro cya kabiri kuva 2017 itsinda Mifflesbrough ibitego 2-1, hari hashize imikino 10 itabasha gutsinda amakipe yazamutse. (D5 L5)

Image

FT: Chelsea 2-0 Tottenham

Chelsea yabonye amanota atatu nyuma yo gutsindwa ku mukino wa nyuma wa Carabao Cuo na Manchester City kuri penaliti, Pedro Rodrigues n' igitego Kieran Trippier yitsimze nibyo byahesheje Chelsea amanota atatu yo kuri uyu mugoroba aho umuzamu wayo Kepa Arrizabalaga atakinnye uyu mukino kubera amakosa yakoze.

Chelsea yatsinzwe umukino umwe wonyine mu mikino igera kuri 33 ihura na Tottenham Hotspur ku kibuga cyayo (Stamford Bridge) aho yatsinze 21 ikanganya 11 igatsindwa 1 wonyine mu  mikino 33 yose.

Image

FT: Crystal Palace 1-3 Man United

Manchester United yugarijwe n' imvune nyinshi yaigye gukura intsinzi kuri Selhurst Park ibifashijwemo na Romelu Lukaku watsinze ibitego bibiri na Ashley Young watsinze igitego kimwe mu gihe Crystal Palace yatsindiwe na Joe Ward.

Mu bitego 10 Romelu Lukaku amaze gutsinda muri uyu mwaka w' imikino muri shampiyona yo mu gihugu cy' ubwongereza byibuza ibitego 8 yabitsindiye hanze uretse Harry Kane watsinze ibitego 10 hanze ntawundi mukinnyi umurusha.

Umutoza wa Manchester United by' agateganyo Ole Gunnar Solskjaer yabaye umutoza wa mbere ubashije gutsinda imikino 8 yikurikiranya muri Manchester United mu marushanwa yose.

Image

FT: Liverpool 5-0 Watford

Liverpool ikomeje kuyobora urutonde rwa shampiyona nyuma yo gutsinda Watford ibitego 5-0 byatsinzwe na Sadio Mane watsinze ibitego bibiri, Virgil Van Dijk watsize ibitego bibiri na Divock Origi watsinze ibitego bibiri.

Myugariro wa Liverpool Trant Alexander Arnold yabaye umukinnyi wa Liverpool wa kane wabashije gutanga imipira itatu ivamo ibitego mu mukino umwe muri shampiyona yo mu gihugu cy' ubwongereza nyuma ya Stan Collmore, Vladimir Smicer na Alberto Aquilani.

Image

FT: Manchester Cuty 1-0 West Ham

Igitego kimwe rukumbi cya Sergio Kun Aguero cyabonetse kuri penaliti nicyo gitumye Manchester City yegukana amanonta atatu ikomeza kuguma inyuma ya Liverpool iyoboye urutonde rwa shampiyona yo mu gihugu cy' ubwongereza inota rimwe (1).

Oleksandr Zichenko byibuza mu mikino 13 yakinnye muri Manchester City yaratsinze bimugira umukinnyi wa mbere umaze gukina imikno myinshi ye ya mbere mu ikipe atsinda.

Image

ABAFITE IBITEGO BYINSHI

Image

URUTONDE RWA SHAMPIYONA 

Image


1 Comments

Dido

March 05th, 2019 - 4:29AM

aha njye ndabona 1.man city 2.liverpool 3.man u 4.chelsea iyi niyo big 4 mbona

Gira icyo ubivugaho


INKURU BIJYANYE


By Kwizera Yamini
Oct 26, 2017 2907 Views

By Kwizera Yamini
Oct 26, 2017 7763 Views

By Kwizera Yamini
Oct 26, 2017 3778 Views