Rutahizamu wa Bayern munich yavuze ko asigaje amezi make akerekeza mu yindi kipe

By Ngabo Frank Dec 3, 2018 06:50am 250 Views

Rutahizamu wa Bayern munich yavuze ko asigaje amezi make akerekeza mu yindi kipe


Rutahizamu w'amateka muri Bayern Munich ndetse n'ikipe y'igihugu y'ubuhorandi Arjen Robben yahamirije abafana ba Bayern munich ko ari hafi kuyisohokamo nyuma y'imyaka icumi ayikinira.

Nkuko ikinyamakuru GOAL cyabyanditse Arjen Robben yatangarije ikinyamakuru Omnisport ko nyuma y'ibihe byiza yagiriye mu ikipe ya Bayern munich kuri ubu igihe kigeze ngo ayisohokemo aho yagize ati"uyu ni umwaka wanjye wanyuma muri Bayern Munich, nyuma y'imyaka icumi myiza iki nicyo gihe ngo ngende".

Arjen Robben uzwi ku macenga yihuta yageze muri Bayern munich muri Kanama 2009 avuye mu ikipe ya Real Madrid bitewe nuko yabonaga atazoroherwa no guhangana na Cristiano Ronaldo ndetse na Ricardo Kaka.

Arjen Robben kuva mu mwaka wa 2009 amaze gukinira Bayern Munich imikino 198 muri shampiyona y'ubudage German Bundesliga aho yayitsinzemo ibitego 98, Robben kandi yafashije Bayern Munich gutwara ibikombe birindwi (7) bya shampiyona, ibikombe bine by'igihugu ndetse n'igikombe kimwe cy'irushanwa rihuza amakipe yabaye aya mbere iwayo ku mugabane w'uburayi UEFA Champions league batwaye mu mwaka wa 2013 batsinze ibitego 2-1 Borrussia Dortmund ku mukino wa nyuma .

Kugeza ubu biravugwa ko Arjen Robben ashobora kwerekeza mu ikipe ya Groningen y'iwabo mu gihugu cy'ubuhorandi kuko yavuze ko azasoreza umupira we mu ikipe ya Groningen ikina muri shampiyona y'icyiciro cya mbere mu Buhorandi ibarizwa ku ivuko rye.


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views