Rafael Jonathan ugiye kuba rutahizamu wa Rayon sport ni muntu ki?

By Ngabo Frank Dec 1, 2018 05:28am 447 Views

Rafael Jonathan ugiye kuba rutahizamu wa Rayon sport ni muntu ki?


Bimaze iminsi bivugwa ko ikipe ya Rayon sport bakunda kwita Gikundiro iri hafi gusinyisha rutahizamu ukomoka muri Brazil Rafael Jonathan aho biteganijwe ko agera mu Rwanda mu mpera z'iki cyumweru.

Ikinyamakuru Imikino.net cyabakusanyirije bimwe mu bintu by'ibanze ugomba kumenya kuri uyu Rutahizamu ukomoka mu gihugu cya Brazil ushobora gutangwaho ibihumbi 50 by'amadorari y' America bikamugira umukinnyi uhenze kurusha abandi muri Rayon sport.

Rutahizamu Jonathan Rafael Da Silva w'imyaka 27, ufite uburebure bwa 1.73 ndetse n'ibiro 69 yavukiye ahitwa Caruaru mu gihugu cya Brazil ku itariki ya 15 Nzeri 1991 aho yatangiriye gukina umupira w'amaguru mu ikipe y'abana ya Corinthians Alagoano.

Mu mwaka wa 2009 Rafael Jonathan yabaye rutahizamu watsinze ibitego byinshi kurusha abandi muri shampiyona ya Brazil y'abatarengeje imyaka 18 aho yasoje umwaka w'imikino afite ibitego 17 ndetse agahita azamurwa mu ikipe y'abakuru ya Campeonato Alagoano yakinaga shampiyona y'icyiciro cya kabiri muri Brazil.

Muri Gashyantare 2010 Rafael Jonathan yatijwe n'ikipe ya Campeonato Alagoano mu ikipe ya FC Redbull Salzburg mu gihugu cya Autriche aho yakinnye imikino 25 agatsinda ibitego bitanu ariko nyuma arekurwa na Salzburg asubira mu gihugu cya Brazil mu ikipe ya Corintians na yo itaramutindanye kuko yamusezereye mu Ugushyingo 2011.

Jonathan Rafael  usanzwe akinira ikipe ya Sousa Esporte Clube biteganijwe ko asinyira ikipe ya Rayon sport amasezerano y'imyaka ibiri abifashijwemo na Alex Karenzi usanzwe ashakira isoko abakinnyi n'abatoza ari na we wafashije umutoza wa Rayon sport Roberto Conclaves gusinyira Rayon sport.


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views