Premier League Review: Spurs yanganyije na Everton, Andre Gomes avunika biteye ubwoba & Leicester City itsinda Crystal Palace

By Mugisha Aimé-Thierry Nov 3, 2019 09:29pm 1080 Views

Premier League Review: Spurs yanganyije na Everton, Andre Gomes avunika biteye ubwoba & Leicester City itsinda Crystal Palace


Uyu munsi hari habaye imikino ibiri yari isigaye ngo umunsi wa 11 wa shampiyona y'ikiciro cya mbere mu Bwognereza ugere ku musozo aho Leicester City yatsinze Crystal Palace naho Tottenham Hotspur bikomeje kuyigora kubona intsinz yo hanze nyuma yo kunganya na Everton mu mukino wagaragayemo imvune ikomeye ya Andre Gomes nyuma y'ikosa yakorewe na Serge Aurier nubwo hahanwe Heung-Min Son.

Image

Umukino wahuje Leicester City na Crystla Palace niwo wabaye mbere uyu munsi aho umukino waje kurangira Leicester City ibyitwayemo neza igatsinda Crystal Palace ibitego 2-0 byatsinzwe na Calgar Soyuncu watsinze igitego cya mbere nuko Jamie Vardy atsinda igitego cya kabiri mu minota ya nyuma y'igice cya kabiri yuzuza ibitego 10 muri uyu mwaka w'imikino muri shampiyona y'Ubwongereza byatumye Leicester City ifata umwanya wa gatatu ku rutonde rw'agateganyo n'amanota 23.

Mu mukino wakurikiyeho Tottenham Hotspur yari yerekeje kuri Goodison Park ariko igitego cya Dele Alli ntabwo cyari gihagije kugira ngo Tottenham Hotspur ibone intsinzi yayo ya mbere yo hanze kuva mu kwezi kwa Mutarama 2019 kuko cyaje kwishyura na Cenk Tosun mu minota y'inyongera umukino urangira ari igitego 1-1. 

Image

Muri uyu mukino hagaragayemo ikarita y'umutuku yahawe Heung-Min Son nyuma y'imvune ikomeye cyane Andre Gomes yagize. Iyi karita y'umutuku yayihawe nyamara atari we wakoreye ikosa Gomez kuko ku mashusho atandukanye byagaragaye ko Serge Aurier ariwe wakoze ikosa rishobora no gutuma Andre Gomez amara igihe kitari gito hanze y'ikibuga nyuma yuko ikirenge cyahindukiye.

Image

Uyu munsi wa 11 wa shampiyona usize Liverpool iyoboye n'amanota 31 aho irusha Manchester City iyikurikiye amanota atandatu ikarusha Leicester City ya gatatu na Chelsea ya kane amanota arindwi naho Arsenal ikaza ku mwanya wa gatanu. Manchester United na Tottenham Hotspur zirakurikirana aho Man United ariyo ibanza ku mwanya wa 10 n'amanota 13 na Tottenham igakurikiraho.

Uko imikino yagenze muri rusange

FT: Bournemouth 1-0 Man United

FT: Arsenal 1-1 Wolverhampton Wanderes

FT: Aston Villa 1-2 Liverpool

FT: Brighton 2-0 Norwich City

FT: Man City 2-1 Southampton

FT: Shiffield United 3-0 Bunley

FT: West Ham 2-3 Newcastle United

FT: Watford 1-2 Chelsea

FT: Everton 1-1 Tottenham

FT: Crystal Palace 0-2 Leicester City

Urutonde rwa shampiyona

Image


Gira icyo ubivugaho


INKURU BIJYANYE


By Kwizera Yamini
Nov 26, 2017 3934 Views

By Kwizera Yamini
Dec 7, 2017 7871 Views

By Kwizera Yamini
Jan 21, 2018 3211 Views