Premier League Review: Bigoranye Liverpool, Man City na Chelsea zitwaye neza mu gihe Arsenal yanganyije naho Man United iratakaza

By Mugisha Aimé-Thierry Nov 2, 2019 09:48pm 1175 Views

Premier League Review: Bigoranye Liverpool, Man City na Chelsea zitwaye neza mu gihe Arsenal yanganyije naho Man United iratakaza


Shampiyona y'Ubwongereza umunsi wa 11 yari yakomeje aho usize Liverpool na Manchester City zose zabonye amanota mu buryo bugoranye zikomeje gukubana mu gihe Chelsea ifashe umwanya wa gatatu nyuma yo gutsinda Watford. Manchester United yatakaje nyuma yo kumara imikino itatu yikurikiranya yitwara neza naho Arsenal yanganyije na Wolves imbere y'abafana bayo.

Umukino wabimburiye iyindi uyu munsi Manchester United iheruka kugera muri 1/4 kirangiza cya Carabao Cup isezereye Chelsea yari yerekeje Vitality Stadium ariko ntabwo byagenze neza kuko Bournemouth ibifashijwemo na Joshua King watsinze igitego cyiza cyane mu mpera z'igice cya mbere yegukanye amanota atatu ku gitego 1-0 bituma Manchester United irara ku mwanya wa 10 ku rutonde rw'agateganyo rwa shampiyona.

Nyuma yaho hamanutse imikino myinshi harimo umukino wa Liverpool iyoboye urutonde rwa shampiyona yari yerekeje Villa Park. Ku ibitego byabonetse mu minota 10 yanyuma y'umukino nyuma yo gukina iminota irenga 80 yatsinzwe igitego 1-0 cyari cyatsinzwe na Mahmoud Hassan byafashije Liverpool kuguma ku mwanya wa mbere irusha Manchester City amanota atandatu ibifashijwemo na Andrew Robertson na Sadio Mane nuko umukino urangira itsinze ibitego 2-1.

Manchester City yitwaye neza bigoranye cyane itsinda Southampton ibitego 2-1 byatsinzwe na Sergio Aguero na Kyle Walker ivuye inyuma kuko Southampton yari yafunguye amazamu hakiri kare ku gitego cyatsinzwe na James  Ward-Prowse nyuma y'amakosa yari akozwe na Ederson Moraes naho Arsenal yatsindiwe na Pierre Emerick-Aubameyang yanganyije na Wolves mu rugo igitego 1-1.

Mu mukino urangiye mukanya ari nawo wasozaga uyu munsi wo kuwa Gatandatu, Chelsea yari yerekeje ku kibuga cya Watford ihatsindira ibitego 2-1 byatsinzwe na Tammy Abraham wafunguye amazamu hakiri kare nuko Christian Pulisic aterekamo igitego cye cya kane mu mikino ibiri kikaba icya kabiri cya Chelsea muri uyu mukino mbere yuko Gerard Deulofeu atsindira Watford penaliti.

Uko imikino yagenze muri rusange

FT: Bournemouth 1-0 Man United

FT: Arsenal 1-1 Wolverhampton Wanderes

FT: Aston Villa 1-2 Liverpool

FT: Brighton 2-0 Norwich City

FT: Man City 2-1 Southampton

FT: Shiffield United 3-0 Bunley

FT: West Ham 2-3 Newcastle United

FT: Watford 1-2 Chelsea

Imikino iteganyijwe ku Cyumweru

16:00 CAT ― Crystal Palace v Leicester City

18:30 CAT ― Everton v Tottenham Hotspur

Uko urutonde rwa shampiyona ruhagaze

Image


Gira icyo ubivugaho


INKURU BIJYANYE


By Kwizera Yamini
Oct 26, 2017 2907 Views

By Kwizera Yamini
Oct 26, 2017 7763 Views

By Kwizera Yamini
Oct 26, 2017 3778 Views