Chelsea irerekeza kwa Brighton and Hove Albion mu mukino wa mbere wa Premier League muri 2020 & Arsenal irakira Man United

By Mugisha Aimé-Thierry Jan 1, 2020 12:55am 666 Views

Chelsea irerekeza kwa Brighton and Hove Albion mu mukino wa mbere wa Premier League muri 2020 & Arsenal irakira Man United


Mbere na mbere mbanje kwifuriza buri umwe wese umwaka mushya muhire wa 2020.

Twinjira mu mwaka mushya ariko abakunzi b'umupira w'amaguru dukomeza kuryoherwa, twabonye byinshi byiza cyane mu myaka 10 irangiye kandi twiteze kubona ibindi byinshi byiza mu yindi myaka 10 igiye kuza. Byumwihariko ndi kuvuga shampiyona y'Ubwongereza.

Shampiyona y'Ubwongereza ikunzwe na benshi iraza kuba ikomeza kuri uyu munsi, aho baraza kuba bakina umunsi wa 21 wa shampiyona y'Ubwongereza. Umukino ukomeye urahuza Arsenal na Manchester United kuri Emirates Stadium.

Uraba ari umukino wa kabiri wa Mikel Arteta araba akiniye kuri Emirates Stadium kuva yakwemezwa nk'umutoza wa Arsenal aho agiye guhura na Manchester United ihagaze neza. Arsenal iheruka gutsindwa na Chelsea ibitego 2-1 mu gihe Man United iheruka gutsinda Bunley ibitego 2-0. Uyu mukino uraba umanuka saa 22:00 ku isaha y'i Kigali.

Ntabwo ariwo mukino wonyine uteganyijwe kuko hari imikino icyenda yose uyu munsi harimo Chelsea iheruka kwitwara neza muri London derby iraza kuba yerekeye ku kibug cya Brigton & Hove Albion saa 14:30 mu gihe Bunley iraba yakiye Aston Villa ku isaha imwe.

Tottenham Hotspur ya Jose Mourinho nayo iraza kuba imanuka mu kibuga aho izerekeza kuri Saint Marry ikazacakirana na Southampton i saa 17:00 mu gihe Leicester City izaba yerekeje kwa Newcastle United ku isaha imwe. 

Kandi kuri iyo saha Watford izaba yakiye abahungu ba Nuno Espirito Santo, Wolverhampton Wanderers mu gihe saa 19:30, Manchester City izakira Everton ifitwe na Carlo Ancelotti mu gihe Norwich izaba yakiye Crystal Palace ku rundi ruhande kuri iyo saha.

Liverpool isoje umwaka iri ku mwanya wa mbere ku rutonde rwa shampiyona izaba yakiye Shiffield United ku wa Kane saa 22:00 ari nawo mukino uzasoza umunsi wa 21 wa shampiyona y'Ubwongereza. 

Imikino yose iteganyijwe muri rusange

Kuwa Gatatu, taliki 01 Gashyantare 2020

14:30 ― Brighton v Chelsea

14:30 ― Bunley v Aston Villa

17:00 ― Newcastle v Leicester

17:00 ― Southampton v Tottenham

17:00 ― Watford v Wolverhampton 

19:30 ― Manchester City v Everton

19:30 ― West Ham v Crystal Palace

22:00 ― Arsenal v Manchester United

Kuwa Kane, taliki 02 Gashyantare 2020

22:00 ― Liverpool v Shiffield United


Gira icyo ubivugaho


INKURU BIJYANYE


By Kwizera Yamini
Oct 26, 2017 3147 Views

By Kwizera Yamini
Oct 26, 2017 8025 Views

By Kwizera Yamini
Oct 26, 2017 3960 Views