Portugal iyobowe na Cristiano Ronaldo ibimburiye ibindi bihugu kwegukana UEFA Nations League

By Ngabo Mihigo Frank Jun 9, 2019 09:11pm 968 Views

Portugal iyobowe na Cristiano Ronaldo ibimburiye ibindi bihugu kwegukana UEFA Nations League


Mu masaha y'ijoro, kuri iki cyumweru tariki 09, Kamena 2019, kuri stade Estadio do Dragao ibarizwa mu mujyi wa Porto mu gihugu cya Portugal hakinirwaga umukino wa nyuma w'irushanwa rihuza amakipe y'ibihugu ku mugabane w' u Burayi rizwi nka UEFA Nations League.

Umukino wa nyuma wahuje ikipe y'igihugu ya Portugal (Selecao) n'ikipe y'igihugu y' u Buhorandi (Orange), warangiye ikipe ya Portugal yakiniraga mu gihugu cyayo yegukanye iki gikombe ku ntsinzi y'igitego kimwe ku busa (1-0).

Igitego rukumbi cyinjiye ku munota wa 60' w'umukino gitsinzwe na Goncalo Guedes usanzwe akinira ikipe ya Valencia CF yo mu gihugu cya Esipanye, ni cyo cyahesheje intsinzi ikipe y'igihugu ya Poltugal ihita yegukana igikombe cya UEFA Nations League.

Ku nshuro ya mbere iki gikombe cyakinwaga, ikipe y'igihugu ya Portugal yatsindiye kugera ku mukino wa nyuma isezereye ikipe y'igihugu y' u Busuwisi muri 1/2 mu gihe ikipe y'igihugu y' u Buhorandi yatsindiwe ku mukino wa nyuma yo yari yasezereye ikipe y'igihugu y' u Bwongereza.

Mu mukino wo guhatanira umwanya wa gatatu, ikipe y'igihugu y' u Bwongereza yatsinze ikipe y'igihugu y' u Busuwisi kuri penaliti 6-5, nyuma y'uko iminota 90' isanzwe y'umukino ndetse n'iminota 30' y'inyongera, yarangiye amakipe yombi anganyije ubusa ku busa.

No Picture Available

Guedes na Silva bishimira igitego

No Picture Available

Abakinnyi ba Portugal bishimira intsinzi

No Picture Available

Byari ibyishimo kuri Portugal

No Picture Available

Cristiano Ronaldo


Gira icyo ubivugaho


INKURU BIJYANYE


By Kwizera Yamini
Nov 8, 2017 1653 Views

By Kwizera Yamini
Nov 9, 2017 1188 Views

By Kwizera Yamini
Nov 28, 2017 1853 Views