Pep Guardiola yagereranyije Manchester City n'amakipe akomeye ku mugabane w'Uburayi

By Mugisha Aimé-Thierry Dec 9, 2019 11:17am 900 Views

Pep Guardiola yagereranyije Manchester City n'amakipe akomeye ku mugabane w'Uburayi


Umutoza wa Manchester City, Pep Guardiola yabajijwe niba ikipe ye ifite ubushobozi bwo guhangana na Barcelona, Liverpool na Real Madrid nuko avuga ko ahari Man City itari kuri ubwo bushobozi.

Iyi kipe iheruka gutwara igikombe cya shampiyona y'Ubwongereza ishuro ebyiri zikurikiranya iri inyuma ya Liverpool amanota 14 iyoboye shampiyona nyuma yo gutakaza imbere ya Manchester United igatsindwa ibitego 2-1 mu mukino wabereye Etihad Stadium kuwa Gatandatu.

Ba myugariro ba Manchester City bari bahagaze nabi mu minota 30 ya mbere kuko Manchester United itozwa na Ole Gunnar Solskjaer yari yateretsemo ibitego 2-0 byatsinzwe na Marcus Rashford na Anthony Martial mbere yuko Nicolas Otamendi agaruramo agatego kamwe mu minota ya nyuma.

Nubwo bitwaye neza muri ruhago yo mu gihugu cy'Ubwongereza mu myaka ibiri ishize bafite ikipe ikomeye kandi ihenze, Guardiola yavuze ko Manchester City itahangana n'amakipe akomeye ku mugabane w'Uburayi.

Pep Guardiola aganira n'itangazamakuru ― “Kuri uru rwego turi guhura na Manchester United, Liverpool, Barcelona, Real Madrid na Juventus. Ayo ni amakipe tuba tugomba guhura nayo kandi ukuri ni ahari ntabwo turi ku rwego rwo guhatana nabo. Yego, tugomba kongera akabaraga ndetse tukajya imbere.”


Gira icyo ubivugaho


INKURU BIJYANYE


By Kwizera Yamini
Oct 26, 2017 3255 Views

By Kwizera Yamini
Oct 26, 2017 8161 Views

By Kwizera Yamini
Oct 26, 2017 4046 Views