Nyuma yo kwegukana Cristiano Ronaldo, shampiyona y’abataliyani iri munzira zo kwegukana umwe mubakinnyi bakomeye muri Chelsea:

By Kwizera Yamini Sep 8, 2018 11:07am 1656 Views

Nyuma yo kwegukana Cristiano Ronaldo, shampiyona y’abataliyani iri munzira zo kwegukana umwe mubakinnyi bakomeye muri Chelsea:


Nyuma yo kumara igihe kinini itavugwa cyane k’uruhando mpuzamahanga ahanini kubera ko abakinnyi bakomeye batari bakiyikoza, shampiyona y’abataliyani izwi ku izina rya Serie A iheruka gutungurana cyane ubwo yegukanaga rutahizamu w’ibihe byose mu ikipe ya Real Madrid yo mugihugu cya Espagne witwa Cristiano Ronaldo werekeje mu ikipe ya Juventus.

Kuri ubu, biravugwa ko umukinnyi ukomeye mu ikipe ya Chelsea witwa Cesc Fabregas yaba ari munzira zerekeza muri shampiyona y’abataliyani, aho ashobora kwerekeza mu ikipe ya AC Milan ku isoko ry’igura n’igurisha ry’abakinnyi ryo muri mutarama.

Nk’uko ikinyamakuru cyandikirwa kubutaka bw’abataliyani cyitwa Football Italia kibitangaza, ngo ikipe ya AC Milan yiteguye kugura umukinnyi ukomoka mugihugu cya Espagne akaba akina hagati mukibuga mu ikipe ya Chelsea witwa Cesc Fabregas, ndetse iyi kipe ikaba yizeye cyane kumwegukana ahanini bitewe n’uburyo amasezerano afitanye n’ikipe ya Chelsea ahagaze.

Amasezerano Cesc Fabregas afitanye n’ikipe ya Chelsea agomba kurangirana n’uyu mwaka w’imikino, bishatse kuvuga ko ku isoko ry’igura n’igurisha ry’abakinnyi ryo mumpeshyi y’umwaka utaha, uyu mukinnyi w’imyaka 31 y’amavuko ashobora gusohoka muri iyi kipe yambara ubururu n’umweru yigurishije.

Cesc Fabregas yageze mu ikipe ya Chelsea m’umwaka wa 2014 avuye mu ikipe ya FC Barcelona, akaba amaze kugaragara mukibuga incuro zigera kuri 150 yambaye umwambaro w’iyi kipe yo m’umujyi wa London, aho yabashije gutsinda ibitego bigera kuri 21 ndetse akabasha no gutanga imipira 55 ibyara ibitego.


Gira icyo ubivugaho


INKURU BIJYANYE


By Kwizera Yamini
Oct 31, 2017 2556 Views

By Kwizera Yamini
Oct 31, 2017 1104 Views

By Kwizera Yamini
Nov 8, 2017 2216 Views