Nyuma ya Simba SC, Young Africans SC yasobanuye impamvu itazitabira CECAFA Kagame Cup 2019

By Ngabo Frank Jun 9, 2019 01:27pm 694 Views

Nyuma ya Simba SC, Young Africans SC yasobanuye impamvu itazitabira CECAFA Kagame Cup 2019


Nyuma ya Aigle Noir FC na Simba SC, Ikipe ya Young Africans yabaye iya gatatu yavuze ko itazitabira imikino ya CECAFA Kagame Cup izabera mu Rwanda muri Nyakanga 2019.

Iyi kipe ya Young Africans yasoje shampiyona ya Tanzania iri ku mwanya wa kabiri, yari yatumiwe muri CECAFA Kagame Cup mu rwego rwo gusimbura Simba SC yavuze ko itazaboneka kubera imyiteguro y'umwaka w'imikink utaha wa 2019-2020.

Mu ibaruwa ndende ubuyobozi bwa Young Africans bwandikiye ishyirahamwe ry'umupira w'amaguru mu karere ka gatanu ka Africa, iyi kipe yavuze ko itazabasha kwitabira iyi mikino ahanini kubera ko nta bakinnyi bahagije ifite.

Impamvu zanditswe mu ibaruwa ni uko benshi mu bakinnyi ba Young Africans basoje amasezerano, abandi bashya bakaba batarabona ibyangombwa ndetse na bakeya bahari bazaba bari mu kiruhuko abandi bari mu ikipe y'igihugu izitabira imikino ya nyuma y'igikombe cy' Africa.

Biravugwa ko ikipe ya Musongati FC yo mu gihugu cy' u Burundi ndetse na Bandari FC yo mu gihugu cya Kenya zifuza gusimbura aya makipe yikuye mu marushanwa.

Kuva tariki 26 Nyakanga kugeza tariki 10 Kanama 2019 nibwo biteganyijwe ko ku bibuga bya Stade ya Kigali, Stade Amahoro na Stade Umuganda y' akarere ka Rubavu, hazabera iri irushanwa ryitiriwe umukuru w'igihugu cy' u Rwanda Nyakubahwa Paul Kagame.


Gira icyo ubivugaho


INKURU BIJYANYE


By Kwizera Yamini
Nov 26, 2017 2936 Views

By Kwizera Yamini
Dec 7, 2017 6136 Views

By Kwizera Yamini
Jan 21, 2018 2256 Views