Ikipe ya Manchester United irifuza kugura Everton uri kwitwara neza muri Copa America

By Tuyishime Patrick Jun 16, 2019 09:22pm 1096 Views

Ikipe ya Manchester United irifuza kugura Everton uri kwitwara neza muri Copa America


Rutahiza w'ikipe y'igihugu ya Brazil Everton ashobora kwerekeza mu ikipe ya Manchester United mu gihe cya vuba nkuko bitangazwa.

Uyu musore kuri ubu ufite imyaka 23 byatangiye kuvugwa ko ashobora kwerekeza I Manchester mu byumweru bike bishize gusa we agatangaza ko ntacyo yabivugaho ko ubu yitaye ku kazi ke mu ikipe y'igihugu aho bari gukina copa America iri kubera iwabo muri Brazil

Uretse ikipe ya Manchester United hari amakuru ava mu baturanyi babo aribo Manchester City avuga ko nabo bifuza gusinyisha Everton ngo abe yaza gufatanya nabasanzwe kureba ko bakwegukana igikombe cya shampiyona batwaye inshuro 2 ziheruka 

Everton uherutse kwitwara neza mu ikipe y'igihugu ya Brazil mu mukino baheruka gukina mu itsinda rya mbere barimo muri Copa America aho yahawe iminota 9 gusa akabasha gutsindamo igitego cyabaye icya 3 cya Brazil batsinda Bolivia ni igitego yatsinze nyuma yo gucenga ba myugariro ubundi atera ishoti ari inyuma y'urubuga rw'umuzamu nyuma yumukino abajijwe uko abona ahazaza he Yagize ati

"nkunda gusatira nshenga nyuze ibumoso ndetse no gutsinda ibitego, amakipe menshi y'iburayi arabikina, urumva ko nka Manchester United nayibonamo ndetse nayandi"

Nyuma yo gutangaza aya magambo byatangajwe ko nubundi ikipe ya Manchester United yatangiye ibiganiro ishaka uko yazana uyu musore I Manchester

Everton Sousa Soares ubusanzwe akinira ikipe ya Grêmio y'iwabo muri Brazil kuva muri 2014 akaba amaze gukina imikino ijana atsinda ibitego 23.

No Picture Available

Everton kuri ubu uri gukina copa America yatangiye yitwara neza

No Picture Available

Ubusanzwe akinira ikipe ya Grêmio yo muri Brazil

No Picture Available

Ikipe ya Manchester United irifuza ko yaza kubafasha kubona ibitego


Gira icyo ubivugaho


INKURU BIJYANYE


By Kwizera Yamini
Oct 26, 2017 2573 Views

By Kwizera Yamini
Oct 26, 2017 7347 Views

By Kwizera Yamini
Oct 26, 2017 3484 Views