Manchester City ishobora kutagaragara mu mikino ya Champions League umwaka utaha

By Mugisha Aimé Thierry May 14, 2019 12:25am 6383 Views

Manchester City ishobora kutagaragara mu mikino ya Champions League umwaka utaha


Manchester City iherutse gutwara igikombe cya shampiyona y'Ubwongereza ku nshuro ya kabiri yikurikiranya ikaba iri no mu nzira zo kwegukana igikombe cya gatatu muri uyu mwaka w'imikino aho yageze ku mukino wa nyuma wa FA Cup izahuramo na Watford. Nibaramuka begukanye igikombe cya FA Cup, Manchester City iraba isigaje kwegukana Champions League mu bikombe ikina kuva yafatwa na Pep Guardiola ariko birashoboka ko ishobora kutayikina mu mwaka w'imikino utaha.

Nkuko The New York Times ibitagaza, abashinzwe iperereza mu ishyirahamwe ry'umupira w'amaguru ku mugabane w'Uburayi bashaka guhana Manchester City kutitabira imikino yo ku mugabane w'Uburayi ihuza amakipe yabaye aya mbere iwayo kubera kutubahiriza amategeko yo gusohora amafaranga mu ikipe yabo (Financial Fair Play Regulations).

Biravugwa ko iperereza rigikomeje aho byatangajwe ko mu gihe cyose Manchester City yaba ifashwe niri perereza ikosa rikayigaragaraho yazagaruka muri Champions League mu mwaka w'imikino wa 2020-2021. Iyi kipe yatwaye ibikombe bibiri bya Premier League yikurikiranya yar'ifite intego yo kwitwara neza mu marushanwa yo ku mugabane w'Uburayi ariko umwaka w'imikino utaha bashobora kutayakina.

Ishyirahamwe ry'umupira w'amaguru ryo mu Bwongereza ndetse n'ishyirahamwe ry'umupira w'amaguru ku mugabane w'Uburayi byakoraga iperereza kuri iyi kipe kuva mu amezi ashize. Byavuzwe ko iyi kipe itigeze yubahiriza aya mategeko kandi ko niramuka ihamijwe ikosa izahabwa ibihano kandi bikomeye.

Kuva Sheik Mansour bin Zayel al-Nahyan yagura Manchester City yabaye imwe mu makipe afite amafaranga menshi kw'isi kandi yabashije gutwara byibuza ibikombe bine bya shampiyona y'Ubwongereza mu mayaka umunani. Iyi kipe yagaragaraga nk'imwe mu makipe ahabwa amahirwe yo kwegukana Champions League mu mwaka w'imikino utaha nyuma yo kurangiza umwaka w'imikino wa 2018-2019 muri Premier League itsinze imikino 14 yikurikiranya.


Gira icyo ubivugaho


INKURU BIJYANYE


By Kwizera Yamini
Nov 8, 2017 1592 Views

By Kwizera Yamini
Nov 9, 2017 1130 Views

By Kwizera Yamini
Nov 28, 2017 1787 Views