Man City yitwaye neza imbere ya Brighton & Hove Albion mu gihe Chelsea na Man United zatakaje amanota abiri

By Mugisha Aimé-Thierry Aug 31, 2019 07:36pm 879 Views

Man City yitwaye neza imbere ya Brighton & Hove Albion mu gihe Chelsea na Man United zatakaje amanota abiri


Uyu munsi shampiyona y'Ubwongereza yari yakomeje ku munsi wa kane wa shampiyona aho amakipe atandukanye yari yamanutse mu kibuga nanone harimo Manchester United yari yerekeje Saint-Marry kwikurayo bikanga, Manchester City yitwaye neza imbere ya Brighton & Hove Albion ndetse na Chelsea yananiwe gutsinda Shiffield United ku kibuga cyayo.

Manchester United na Southampton niwo mukino wabimburiye iyindi kuwa Gatandatu aho umukino waje kurangira amakipe anganyije igitego 1-1. Daniel James niwe wafunguye amazamu ku ruhande rwa Manchester United yari yaje gukina idafite bamwe mu bakinnyi bayo bakomeye, igitego cyaje kwishyurwa na Jannik Vestergaard ku gitego cyiza cy'umutwe - Southampton yahawe ikarita y'umutuku yahawe Danso nyuma y'ikosa yakoreye Scott McTomminay.

Nyuma yuyu mukino hamanutse imikino myinshi itandukanye harimo umukino wa Manchester City yatsinzemo Brighton & Hove Albion ibitego 4-0 byatsinzwe na Kevin de Bruyne ku mupira yahawe na David Silva, Sergio Aguero ku mupira yahawe na Kevin de Bruyne, Sergio Aguero yongeramo ikindi ku mupira yahawe na David Silva mu gihe Bernardo Silva yatsinze icy'agashinguracumu nyuma y'amasegonda make yinjiye mu kibuga. Ibi bitumye Manchester City iyobora urutonde rwa shampiyona mu gihe igitegereje uko umukino wa Liverpool na Bunley urangira.

Ku isaha imwe Chelsea yari yakiye Shiffield United kuri Stamford Bridge mu mukino urangiye Chelsea inaniwe kwegukana amanota atatu nyuma yo gutsinda ibitego bibiri byatsinzwe na Tammy Abraham mu gice cya mbere cy'umukino byaje kwishyurwa na Shiffield United mu gice cya kabiri harimo igitego cya Callum Robinson mu ntangiro z'igice cya kabiri ndetse n'ikindi cyitsinzwe na Kurt Zouma mu minota ya nyuma y'umukino.

Uko indi mikino yagenze

FT: Southampton 1-1 Man United

FT: Chelsea 1-1 Shiffield United

FT: Crystal Palace 1-0 Aston Villa

FT: Leicester 3-1 Bournemouth

FT: Man City 4-0 Brighton & HA

FT: Newcastle United 1-1 Watford

FT: West Ham 2-0 Norwich City

 


Gira icyo ubivugaho


INKURU BIJYANYE


By Kwizera Yamini
Oct 26, 2017 2935 Views

By Kwizera Yamini
Oct 26, 2017 7808 Views

By Kwizera Yamini
Oct 26, 2017 3800 Views