Liverpool yatsinzwe na PSG biyiha umusozi muremure wo kuzamuka mu mukino umwe

By Ngabo Frank Nov 29, 2018 07:03am 116 Views

Liverpool yatsinzwe na PSG biyiha umusozi muremure wo kuzamuka mu mukino umwe


Mu mikino ibanziriza iya nyuma mu matsinda y'imikino ihuza amakipe yabaye aya mbere iwayo ku mugabane w'u Burayi UEFA Champions League yaraye ibaye mu ijoro ryo kuwa 28 Ugushingo 2018 ikipe ya Liverpool yasigiwe umusozi utari mugufi igomba kuzazamuka kugira ngo ibashe kurenga icyiciro cy'amatsinda.

Mu mukino w'ishyiraniro wo mu itsinda rya gatatu (C) wahuje ikipe ya Paris Saint-Germain na Liverpool kuri stade Parc de prince ikipe ya PSG yabashije gutsinda Liverpool ibitego 2-1 ibifashijwemo na Juan Bernat ndetse na rurangiranwa Neymal naho igitego cy'impozamarira ku ruhande rwa Liverpool cyinjijwe na James Milner kuri Penaliti.

Mu wundi mukino wo muri iri tsinda ikipe ya Napoli yo mu gihugu cy'u Butariyani yatsindiye ku kibuga cyayo ikipe ya Crvena Zvezda yo mu gihugu cya Serbia ibitego 3-1 byatumye Napoli ifata umwanya wa mbere n'amanota 9 Paris saint-Germain ifata umwanya wa 2 n'amanota 8 naho Liverpool igumana amanota 6 ku mwanya wa gatatu mu gihe Crvena Zvezda ifite amanota 4 ku mwanya wa nyuma.

Liverpool irasabwa iki? :

Iyi kipe ikunzwe n'abatari bake ku Isi ishobora kutoroherwa n'umukino wa nyuma w'amatsinda ya UEFA Champions League kuko kugira ngo ikomeze mu cyiciro cya 1/8 isabwa gutsinda ikipe ya Napoli ikinyuranyo cy'ibitego bibiri mu mukino wa nyuma uzabera kuri Stade Anifield Load ya Liverpool tariki 11 Ukuboza 2018, mu gihe Liverpool yaba yashoboye gutsinda ikinyuranyo cy'igitego kimwe gusa kugira ngo ikomeze mu cyiciro gikurikira byasaba ko ikipe ya Paris Saint-Germain itsindwa na Crvena Zvezda mu mukino usoza amatsinda uzabera mu mugi wa Belgrade mu gihugu cya Serbia.

Icyitonderwa: Liverpool iramutse itsinze Napoli igitego kimwe ku busa 1-0, Liverpool yahita ikomeza kuko zombi zaba zizigamye ibitego bibiri ariko Liverpool ikarusha Napoli umubare w'ibitego yinjije kuko yaba igize 8 mu gihe Napoli yinjije 6


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views