Liverpool iri kumwe na Napoli, Bayern Munich na Tottenham, Paris Saint-Germain na Real Madrid - Uko amakipe atomboranye mu matsinda ya Champions League

By Mugisha Aimé-Thierry Aug 29, 2019 07:33pm 1093 Views

Liverpool iri kumwe na Napoli, Bayern Munich na Tottenham, Paris Saint-Germain na Real Madrid - Uko amakipe atomboranye mu matsinda ya Champions League


Liverpool iherutse gutwara Champions Leauge y'umwaka ushize yisanze mu itsinda ririmo Napoli, Redbull Salzburg na KRC Genk.

Ikipe yageze ku mukino wa nyuma wa UEFA Champions League mu mwaka w'imikino ushize, Tottenham Hotspur yisanze mu itsinda rya gatanu aho iri kumwe na Bayern Munich yegukanye igikombe cy'Ubudage hamwe na Olympiacos na Red Star Belgrade mu gihe Manchester City yegukanye igikombe cya shampiyona y'Ubwongereza iri kumwe na Shakhtar Donesk, Dinamo Zagreb na Altanda Bergamasca.

Chelsea yibereye mu itsinda rya nyuma aho iri kumwe na Ajax Amsterdam yageze muri 1/2 kirangiza cya Champions League mu mwaka w'imikino ushize, Valencia yegukanye Copa del Rey na Lille.

Amakipe akomeye cyane Paris Saint-Germain na Real Madrid yisanze mu itsinda rimwe, itsinda rya mbere mu gihe Barcelona, Borussia Dortmund na Internazionale de Milan ziri kumwe mu itsinda F.

Muri uyu mwaka w'imikino imikino yo mu matsinda izatangira kuwa Kabiri taliki ya 17 Nzeri mu gihe umukino wa nyuma uzaba kuwa Gatandatu, taliki 30 Gicurasi ukabera Ataturk Stadium muri Instanbul.

Uko amatsinda ahagaze

Itsinda A: Paris St-Germain, Real Madrid, Club Bruges, Galatasaray

Itsinda B: Bayern Munich, Tottenham, Olympiakos, Red Star Belgrade

Itsinda C: Manchester City, Shakhtar Donetsk, Dinamo Zagreb, Atalanta

Itsinda D: Juventus, Atletico Madrid, Bayer Leverkusen, Lokomotiv Moscow

Itsinda E: Liverpool, Napoli, Salzburg, Genk

Itsinda F: Barcelona, Borussia Dortmund, Inter Milan, Slavia Prague

Itsinda G: Zenit St Petersburg, Benfica, Lyon, RB Leipzig

Itsinda H: Chelsea, Ajax, Valencia, Lille


Gira icyo ubivugaho


INKURU BIJYANYE


By Kwizera Yamini
Nov 8, 2017 1707 Views

By Kwizera Yamini
Nov 9, 2017 1234 Views

By Kwizera Yamini
Nov 28, 2017 1914 Views