Jose Mourinho yongeye kwivuga ibigwi bikomeye nyuma yo kugera muri 1/8 cya Champions League

By Ngabo Frank Nov 28, 2018 06:37am 122 Views

Jose Mourinho yongeye kwivuga ibigwi bikomeye nyuma yo kugera muri 1/8 cya Champions League


Mu mukino ubanziriza uwa nyuma w'amatsinda mu irushanwa rya UEFA Champions league 2018/2019 ikipe ya Manchester United yatsinzemo Young boys bern yo mu Busuwisi (switzerland) byari amateka mashya kuri Jose Mourinho nyuma yuko akomeje kuba umwe mu batoza bake batarasezererwa mu mikino y'amatsinda muri iri rushanwa.

Maroune Fellaini yatsindiye Manchester United igitego rukumbi cyabonetse muri uyu mukino ikipe ya Manchester United ihita ikatisha itike yo gukina imikino ya 1/8 cya UEFA Champions League bituma umutoza wa Manchester united abasha kurenga imikino y'amatsinda ku nshuro ya 14 mu mateka ye.

Kuva mu mwaka wa 2003 Jose Maria Mourinho atoza ikipe ya FC Porto yo mu gihugu cya Portugal kugeza ubu atoza Manchester United ntarasezererwa na rimwe mu mikino y'amatsinda aho yananyuze mu yandi makipe atandukanye ari yo Real Madrid,Inter Milan, na Chelsea

Aganira na Television yitwa BT Sport Jose Mourinho yivuze ibigwi mu magambo ye agira ati "Icyo nabwira abakunzi banjye ni uko ubu ari inshuro ya 14 mbashije kurenga imikino y'amatsinda ya Champions League, mu makipe yose natoje ntayigeze iviramo mu matsinda, umwaka ntabashije gukina UEFA Champions Leuge nabasgije kwegukana UEFA Europa League ndatekereza atari amateka mabi"

Mu mikino ya UEFA Champions League 2018-2019 ikipe ya Manchester United iri mu itsinda H aho iri hamwe na Juventus,Valencia ndetse na Young Boys, kugeza ubu Juventus iyoboye iri tsinda n'amanota 12 igakurikirwa na Manchester United ifite amanota 10 Valencia ikaba ku mwanya wa 3 n'amanota 5 naho Young Boys Bern iri ku mwanya wa nyuma aho ifite inota rimwe (1) mu gihe hasigaye umukino umwe rukumbi imikino y'amatsinda ikarangira.

Mu mikino ya nyuma y'amatsinda izaba tariki 12 Ukuboza 2018 Valencia izakina na Machester United muri Esipanye naho Juventus izakirirwa na Young Boys mu Busuwisi.

 


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views