Iyi kipe yamaze guca agahigo k’umugabane w’iburayi:

By Kwizera Yamini Nov 23, 2017 05:30pm 4074 Views

Iyi kipe yamaze guca agahigo k’umugabane w’iburayi:


Mugihe habura umukino umwe gusa mumatsinda ya UEFA Champions League, ikipe ya Paris Saint-Germain yamaze guca agahigo muri iri rushanwa rihuza amakipe yabaye ayambere iwayo k’umugabane w’iburayi.

Mu ijoro ryacyeye, ikipe ya Paris Saint-Germain nibwo yihereranye ikipe ya Celtic yo mugihugu cya Ecosse iyitsinda ibitego birindwi byose kuri kimwe. Muri uyu mukino, abakinnyi bakinira PSG barimo Neymar Jr ndetse na Edinson Cavani batsinze ibitego bibiri buri umwe.

Ikipe ya Paris Saint Germain yahise ica agahigo ko gutsinda ibitego 24 byose mumikino yo mumatsinda muri UEFA Champions League, aho nibura iyi kipe iri kumpuzandengo yo gutsinda ibitego 4.8 nibura buri mukino, nyuma yo kwisasira amakipe arimo Bayern Munich, Anderlecht ndetse na Celtic.

Aka gahigo ikipe ya Paris Saint Germain yaciye kari karashyizweho na Borussia Dortmund yatsinze ibitego 21 mumwaka w’imikino wa 2016-17, FC Barcelona yatsinze ibitego 20 mumwaka w’imikino wa 2011-12 ndetse n’uwa 2016-17.

 Real Madrid yatsinze ibitego 20 mumwaka w’imikino wa 2013-14 ndetse na Manchester United yatsinze ibitego 20 mumwaka w’imikino wa 1998-99 igihe yatwaraga iri rushanwa.

Ikipe ya Real Madrid kandi iheruka gutsinda ibitego 19 mumyaka ibiri y’imikino itandukanye ariyo 2011-12 ndetse na 2015-16. Bayern Munich kandi nayo yatsinze ibitego 19 mumwaka w’imikino wa 2015-16 mugihe FC Barcelona nayo yatsinze ibitego 19 mumwaka w’imikino wa 1999-00.

Ikipe ya Paris Saint-Germain ifite amahirwe yo kongera umubare w’ibi bitego cyane ko habura umukino umwe mumikino wo mumatsinda. Gusa, ntibizorohera Neymar nabagenzi be kuko umukino utaha iyi kipe izaba yagiye gusura ikipe ya Bayern Munich yo mugihugu cy’ubudage izwiho cyane kutagira ikosa na rito ikorera kukibuga cyayo.


Gira icyo ubivugaho


INKURU BIJYANYE


By Kwizera Yamini
Oct 27, 2017 2349 Views

By Kwizera Yamini
Oct 31, 2017 2062 Views

By Kwizera Yamini
Nov 1, 2017 1277 Views