Uyu mukinnyi ukomeye wa Tottenham Hotspurs ashobora kudakina umukino iyi kipe ifitanye na Manchester United.

By Kwizera Yamini Oct 26, 2017 05:03am 2573 Views

Uyu mukinnyi ukomeye wa Tottenham Hotspurs ashobora kudakina umukino iyi kipe ifitanye na Manchester United.


Rutahizamu ukomoka mugihugu cy’ubwongereza ukinira ikipe ya Tottenham Hotspurs witwa Harry Kane ashobora kutagaragara mumukino w’ishyiraniro iyi kipe ifitanye na Manchester United muri iyi wikendi.

Nkuko bitangazwa n’umutoza wa Tottenham Hotspurs witwa Mauricio Pochettino ngo iyi kipe ishobora gukina uyu mukino uteganijwe gukinwa kuri uyu wa gatandatu idafite Harry Kane.

 Uyu mukinnyi w’imyaka 24 y’amavuko kandi ntiyagaragaye mumukino ikipe ya Tottenham Hotspurs iheruka gutsindwa na West Ham United ibitego bitatu byose kuri bibiri mu irusahanwa ry’igikombe cyitiriwe Carabao Cup, aho yari yaruhukijwe n’uyu mutoza.

Abajijwe n’ikinyamakuru kitwa beIN Sports niba uyu mukinnyi azamwifashisha k’umukino wa Manchester United, umutoza Mauricio Pochettino yagize ati:”Tuzareba.

Dukeneye kwiga ku ikipe kuko twagombaga guhinduranya abakinnyi kubw’impamvu itandukanye. Tuzareba ibizaba muminsi iri mike imbere.

Nyuma y’imikino icyenda ya shampiyona y’abongereza, aya makipe yombi (Tottenham Hotspurs ndetse na Manchester United) aranganya amaota 20 akaba arushwa amanita atanu na Manchester City iyoboye urutonde rw’agateganyo rw’iyi shampiyona.

Gusa ikipe ya Manchester United iraza kumwanya wa kabiri kubera umubare w’ibitego byinshi izigamye.

Kugeza ubu Harry Kane uyoboye abandi mugusatira izamu mugihugu cy’ubwongereza, amaze gutsindira ibitego umunani muri shampiyona ndetse akaba amaze kuyitsindira ibitego 11 mumarushanwa yose amaze kuyikinira muri uyu mwaka.


Gira icyo ubivugaho


INKURU BIJYANYE


By Kwizera Yamini
Oct 26, 2017 2573 Views

By Kwizera Yamini
Oct 26, 2017 7347 Views

By Kwizera Yamini
Oct 26, 2017 3484 Views