Rutahizamu Shabani Hussein 'Chabalala' mu nzira asohoka muri Bugesera FC

By Ngabo Mihigo Frank Jan 12, 2020 02:43pm 253 Views

Rutahizamu Shabani Hussein 'Chabalala' mu nzira asohoka muri Bugesera FC


Amakuru yizewe aturuka i Bugesera, arahamya ko rutahizamu w'iyi kipe ari mu biganiro n'ikipe yo mu Bushinwa itaratangazwa izina ndetse akazayerekezamo ejo kuwa mbere, nyuma yo guhangana na APR FC kuri iki cyumweru.

Ejo hashize, Umunyamabanga wa Bugesera FC Sam Karenzi, yagiranye ikiganiro kigufi n'umunyamakuru wa IMIKINO, avuga ko ikipe (Bugesera FC), itarakira ubusabe bwa Shabani ariko ko na we yumvise ko hari ikipe yo mu Bushinwa imushaka. Sam Karenzi ati 

" Twebwe ntayo turabona (Ibaruwa isaba Shabani), ariko umujyanama we yatubwiye ko ihari, bibaye ari byo, ntakibazo twamuha uburenganzira akajya kugerageza amahirwe."

Shabani Hussein wageze muri Bugesera FC muri Nyakanga 2019 avuye muri Ethiopia, ahagaze ku mwanya wa kabiri ku rutonde rw'abamaze gutsinda ibitego byinshi muri shampiyona y'icyiciro cya mbere mu Rwanda, aho afite 10 akarushwa kimwe na Babuwa Samson wa Sunrise FC.

Shabani Hussein yanaciye mu ikipe y' Amagaju FC kuva muri 2016 kugeza mu ntangiriro za 2018 aho yerekeje muri Rayon Sports, ayivamo nyuma y'amezi atanu gusa yerekeza muri Afurika Y'epfo mbere yo kujya muri Ethiopia.


Gira icyo ubivugaho


INKURU BIJYANYE


By Kwizera Yamini
Nov 26, 2017 4299 Views

By Kwizera Yamini
Dec 7, 2017 8485 Views

By Kwizera Yamini
Jan 21, 2018 3489 Views