Muhire Kevin utarabonye umwanya muri El-Makassa yatijwe muri Al Gaish Sporting Club

By Ngabo Mihigo Frank Jan 15, 2020 09:47pm 271 Views

Muhire Kevin utarabonye umwanya muri El-Makassa yatijwe muri Al Gaish Sporting Club


Rutahizamu Muhire Kevin usanzwe akinira ikipe y'igihugu y' u Rwanda 'Amavubi' , yavuye mu ikipe ya Misr El Makassa yabarizwagamo, atizwa muri El Gaish Sporting Club, amakipe yombi abarizwa muri shampiyona y'icyiciro cya mbere mu Misiri.

Muhire wibukirwa cyane mu bakinnyi bafashije Rayon Sports kurenga imikino y'amatsinda ya CAF Confederation Cup 2018-2019, ntiyahiriwe byihuse mu ikipe ya El- Makassa kuko kuva yayigeramo atabona umwanya wo gukina yisanzuye nkuko byahoze muri Rayon Sports.

Kuri ubu amakipe ya El Gaish na Misr El Makassa akurikiranye ku rutonde rwa shampiyona ya 2019-2020 ku myanya ya 13 na 14 aho banganya amanota 11 mu mikino 13 bamaze gukina.

Iyi kipe ya El Gaish Sporting Club ifatwa nk'ikipe ya gisirikare, isanzwe ibarizwa mu mujyi wa Cairo, aho ikinira kuri stde ya Gehaz El Reyada Stadium ifite ububasha bwo kwakira abantu ibihumbi makumyabiri (20.000) bicaye neza.

Muhire Kevin 'Rooney' wifashishwa hagati mu kibuga nka rutahizamu wa kabiri (Second Striker), yageze mu ikipe ya Misr Lel Makasa muri Kamena 2019 avuye muri Rayon Sports yari yaragezemo mu 2015.


Gira icyo ubivugaho


INKURU BIJYANYE


By Kwizera Yamini
Nov 26, 2017 4475 Views

By Kwizera Yamini
Dec 7, 2017 8759 Views

By Kwizera Yamini
Jan 21, 2018 3662 Views