CAF ntiyahaye ibyangombwa bamwe mu bakinnyi APR FC yari kuzakoresha muri CAF Champions league

By Ngabo Frank Nov 23, 2018 07:54pm 259 Views

CAF ntiyahaye ibyangombwa bamwe mu bakinnyi APR FC yari kuzakoresha muri CAF Champions league


APR FC yatanze urutonde rw’abakinnyi 28 izakoresha muri CAF Champions League 2018-19 barimo Danny Usengimana wa Tersana Sporting Club yo mu Misiri na Emery Bayisenge wa USM Alger yo muri Algeria ariko kuri ubu ntabwo CAF yabahaye uburenganzira bwo kuzakina imikino nyafurika izatangira mu cyumweru gitaha tariki 27,ugushyingo 2017

Ikipe yatwaye igikombe cya Shampiyona y’u Rwanda ‘AZAM Rwanda Premier League 2017-18’, APR FC niyo izahagararira u Rwanda mu gikombe gihuza amakipe yabaye aya mbere iwayo muri Afurika ‘Total CAF Champions League Biteganyijwe ko imikino ibanza y’aya marushanwa APR FC izayikina hagati ya tariki 27 na 28 Ugushyingo 2018 naho iyo kwishyura ikinwe hagati ya tariki 4 na 5 Ukuboza 2018.

Aba 28 bakinnyi batoranyijwe na Ljubomir "Ljupko" Petrović wamaze gusezera afatanije n’abari bamwungirije ari bo Miodrag Radanovic na Jimmy Mulisa ntabwo barimo myugariro w’iburyo APR FC yavanye muri KCCA yo muri Uganda, Rukundo Dennis utaragiriye ibihe byiza muri APR FC gusa na none ku rutonde rw'abasabiwe ibyangombwa hari abatabyemerewe ari bo Emery Bayisenge utaremerwa nk'umukinnyi wa APR FC nyuma yo kutagirira ibihe byiza muri USM Alger yo muri Algeria ndetse na rutahizamu Danny Usengimana APR FC yaguze amasezerano ye muri Singida United

yo muri Tanzania mu mpeshyi y’uyu mwaka ariko uyu mukinnyi w’imyaka 22 birangira atumvikanye na APR FC ku mubare w’amafaranga ya ‘Recruitment’ yagombaga guhabwa ku giti cye n’umushahara yagombaga guhembwa agahitamo kwerekeza muri Tersana Sporting Club yo mu Misiri yigurishije

Urutonde rw’abakinnyi 26 APR FC izakoresha mu mikino y'amajonjora y'ibanze ya CAF Champions League na nimero bazambara:

1. Ntwali Fiacre (1),

2. Ngabonziza Albert (3),

3. Herve Rugwiro (4),

4. Nshimiyimana Amran (5),

5. Nizeyimana Mirafa (6),

6. Mugiraneza Jean Baptiste (7),

7. Blaise Itangishaka (8),

8. Muhadjiri Hakizimana (10),

9. Moustapha Nsengiyumva (11),

10. Iranzi Jean Claude (12),

11. Ntwali Evode (13),

12. Byiringiro Lague (14),

13. Sugira Ernest (16),

14. Maxime Sekamana (17) 

15. Prince Buregeya (18),

16. Yves Mugunga (19),

17. Buteera Andrew (20),

18. Yves Kimenyi (21),

19. Michel Rusheshangoga (22),

20. Songayingabo Shaffy (23),

21. Emmanuel Imanishimwe (24),

22. Ombolenga Fitina (25),

23. Issa Bigirimana (26),

24. Dominique Savio Nshuti (27),

25. Nkinzingabo Fiston (29),

26. Ntalibi Steven (30).

Uru rutonde rushobora guhinduka hakiyongeramo abandi bakinnyi mu gihe APR FC yaba ibashije kugera mu mikino y'amatsinda ya Total CAF Champions league cyangwa Total CAF Confederations Cup

 


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views