CYCLING: Uwizeye Jean Claude uheruka gutwara Tour de Guyane yahinduye ikipe

By Ngabo Mihigo Frank Oct 7, 2019 09:59pm 273 Views

CYCLING: Uwizeye Jean Claude uheruka gutwara Tour de Guyane yahinduye ikipe


Uwizeye Jean Claude ufatwa nk'umwe mu bakinnyi beza u Rwanda rufite mu mukino wo gusiganwa ku magare yahinduye ikipe ava muri 'Sable Vendée CC' ibarizwa ahitwa Pays De la Loire mu Bufaransa yerekeza mu ikipe yitwa 'Pédale Pilotine- Blue Car' yo mu kirwa cya Martinique.

Uguhindura ikipe kwa Uwizeye bije nyuma yo kuba umunyarwanda rukumbi wabashije gusoza isiganwa rya Tour de Vendée 2019 yakinwe ku cyumweru tariki 6,Ukwakira 2019, ndetse no kwegukana Tour de Guyane yatwaye muri Kanama 2019, aho yakinwe kuva tariki 17 kugeza tariki 25.

Uwizeye Jean Claude wibukirwa cyane ku bufasha bukomeye yahaye Mugisha Samuel akamufasha kwegukana Tour du Rwanda y'umwaka wa 2018 nubwo batakinaga mu ikipe imwe, yamenyekaniye mu ikipe ya Les Amis Sportif y' i Rwamagana mbere yo kwerekeza mu Bufaransa mu mwaka wa 2017.

Aganira n’ikinyamakuru Imvaho Nshya dukesha iyi nkuru, Uwizeye Jean Claude w'imyaka 25 y'amavuko yagize ati: “Ni byo nahinduye ikipe ndetse namaze no gusinya amasezerano y’umwaka umwe aho nzakinira iyi kipe ya Pédale Pilotine mu mwaka wa 2020.”

Uwizeye Jean Claude si we munya-Afurika wa mbere ukiniye ikipe ya 'Pédale Pilotine- Blue Car'  kuko iherutse gutandukana na Daniel Teklehaimanot wegukanye Tour du Rwanda na shampiyona nyafurika by'umwaka wa 2010 ndetse na Tesfom Okbamaliam watwaye shampiyona nyafurika za 2013 na 2016.


Gira icyo ubivugaho


INKURU BIJYANYE


By Ngabo Mihigo Frank
Jun 2, 2019 1768 Views

By Ngabo Mihigo Frank
Jun 19, 2019 653 Views

By Justin Ndayiragije
Jun 24, 2019 810 Views