Bayern Munich 1-2 Real Madrid: uyu mukino usize Cristiano Ronaldo ashyizeho akandi gahigo ari nako Real Madrid ishyiraho agahigo kayo muri UEFA Champions League:

By Kwizera Yamini Apr 26, 2018 03:14am 746 Views

Bayern Munich 1-2 Real Madrid: uyu mukino usize Cristiano Ronaldo ashyizeho akandi gahigo ari nako Real Madrid ishyiraho agahigo kayo muri UEFA Champions League:


Mu ijoro ryo kuwa gatatu rishyira kuwa kane, nibwo ikipe ya Bayern Munich yo mugihugu cy’ubudage yari yakiriye ikipe ya Real Madrid yo mugihugu cya Espagne m’umukino warangiye Real Madrid itahukanye intsinzi y’ibitego bibiri kuri kimwe.

Hari m’umukino ubanza wa ½ cy’irushanwa rya UEFA Champions League (irushanwa rihuza amakipe yabaye ayambere iwayo k’umugabane w’iburayi) ikipe ya Bayern Munich yatsinzwemo na Real Madrid ibitego bibiri kuri kimwe byatsinzwe na myugariro wa Real Madrid witwa Marcelo ndetse na Marco Asensio.

Uyu mukino, wasize rutahizamu w’ibihe byose mu ikipe ya Real Madrid witwa Cristiano Ronaldo ashyizeho agahigo ko kuba amaze gutahukana intsinzi 96 zose m’urugendo rwe nk’umukinnyi w’umupira w’amaguru wabigize umwuga, mu irushanwa rya UEFA Champions League.

N’ubwo atigeze anyeganyeza incundura kuri uyu mukino, Cristiano Ronaldo wari umaze imikino 11 yikurikiranya atsinda igitego muri UEFA Champions League, yashyizeho agahigo ko gutsinda imikino 96 yose mumakipe yagiye akinira mu irushanwa rya UEFA Champions League.

Ikipe ya Real Madrid kandi ifite ibikombe 12 bya UEFA Champions League, yashyizeho agahigo ko kuba ariyo kipe yambere ibashije gutahukana intsinzi zigera ku 150 mu irushanwa rya UEFA Champions league.

Iyi kipe yo m’umurwa mukuru I Madrid ikaba yageze kuri aka gahigo nyuma yo gutsinda ikipe ya Bayern Munich ibitego bibiri kuri kimwe, ikipe imaze gutsinda incuro esheshatu zose yikurikiranya.


Gira icyo ubivugaho


INKURU BIJYANYE


By Kwizera Yamini
Oct 25, 2017 8860 Views

By Kwizera Yamini
Oct 26, 2017 2395 Views

By Kwizera Yamini
Oct 27, 2017 3168 Views