Bayern Munchen na Juventus zibaye ikipe za mbere zigeze muri 1/8 kirangiza cya Champions League & Arsenal yanganyije na Vitoria Guimaraes

By Mugisha Aimé-Thierry Nov 6, 2019 10:35pm 894 Views

Bayern Munchen na Juventus zibaye ikipe za mbere zigeze muri 1/8 kirangiza cya Champions League & Arsenal yanganyije na Vitoria Guimaraes


Juventus na Bayern Munchen zibaye ikipe za mbere zigeze mu mikino yo gukuranwamo ya Champions League nyuma yo gutsinda imikino yazo. Bayern Munchen yarifitwe n'umutoza mushya yatsinze Olympiacos mu gihe Juventus yatsinze Lokomotiv Moscow mu mikino yabaye kuwa Gatatu.

N'imikino ibiri yabanjirije iyindi kuwa Gatatu aho Bayern Munchen nyuma yo gutandukana na Niko Kovac yarifitwe n'umutoza wa kabiri yatsinze Olympiacos ibitego 2-0 byatsinzwe na Robert Lewandowski wafunguye amazamu nuko Ivan Perisic ashyiramo icya kabiri nyuma y'amaegonda 30 yinjiyemo asimbuye Serge Gnabry.

Iyi ntsinzi yatume Bayern Munchen ihita ibona itike ya 1/8 kirangiza kuko yahise igira amanota 12 ku mwanya wa mbere aho ikipe iyikurikiye ifite amanota ane yonyine kugeza ubu. Juventus nayo yayisanzeyo nyuma yo gutsinda Lokomotiv Moscow ibitego 2-1 bigoranye cyane.

Ni umukino urimo ibitego byabonetse kare cyane nyuma yuko Aaron Ramsey yafunuye amazamu ku munota wa kabiri wonyine ku ruhande rwa Juventus nubwo hataciyemo igihe kinini ngo Aleksei Miranchuk yishyure ku ruhande rwa Lokomtiv ariko ku munota wa nyuma w'umukino Juventus yaje kubona igitego cya kabiri cyatsinzwe na Douglas Costa wari winjiyemo asimbuye.

Mu mukino umwe rukumbi wa Europa League wabaye uyu munsi Arsenal ikomeje kutitwara neza yanganyije na Vitoria Guimaraes igitego 1-1 aho ibitego byose byabonetse mu minota ya nyuma y'umukino. Arsenal niyo yafunguye amazamu ku gitego cyatsinzwe na Shkodran Mustafi kiza kwishyurwa na Bruno Duarte mu minota y'inyongera.

Uko imikino yagenze

FT: Vitoria Guimaraes 1-1 Arsenal

FT: Lokomotiv Moscow 1-2 Juventus

FT: Bayern Munchen 2-0 Olympiacos

 


Gira icyo ubivugaho


INKURU BIJYANYE


By Kwizera Yamini
Nov 1, 2017 933 Views

By Kwizera Yamini
Nov 4, 2017 1092 Views

By Kwizera Yamini
Feb 17, 2018 895 Views