BASKETBALL: Imikino ya kamarampaka irakomeza kuri uyu wa gatanu basatira igikombe

By Ngabo Mihigo Frank Aug 29, 2019 03:05pm 242 Views

BASKETBALL: Imikino ya kamarampaka irakomeza kuri uyu wa gatanu basatira igikombe


Shampiyona y' u Rwanda mu mukino wa Basketball mu mwaka wa 2018-2019 irasatira umusozo aho kuri uyu wa gatanu tariki 30,Kanama 2019, hategerejwe imikino ya kabiri ya kamarampaka mu byiciro by'abagabo ndetse n'abagore.

Amakipe ya REG BBC na Patriots BBC bahuriye ku mikino ya nyuma (Playoff Finals) aho bahataniye igikombe mu cyiciro cy'abagabo, mu gihe The Hoops BBC (W) na APR BBC (W) bahataniye igikombe mu cyiciro cy'abagore.

Mu mikino ya nyuma ya Kamarampaka, amakipe yombi akina imikino irindwi, ibiashije gutsindamo myinshi ikegukana igikombe (Best of Seven), gusa iyo hagize ikipe yuzuza intsinzi enye mbere y'uko imikino irindwi yuzura ihita ihabwa igikombe cya shampiyona.

Mu mikino ya yabanje ya kamarampaka yabereye muri stade ya Kigali Arena, aho Patriots BBC yabashije gutsinda REG BBC umukino wa mbere mu bagabo ndetse APR BBC itsinda The Hoops BBC mu bagore, aho bazongera guhatana kuri uyu wa gatanu, The Hoops ikina na APR BBC w (19:00') naho REG BBC ikine na Patriots BBC (21:00').

Mu gihe amakipe amwe azakomeza guhatanira igikombe,kuri uyu wa gatandatu, APR BBC na Espoir BBC (17:00') bazatangira guhatanira umwanya wa gatatu mu bagabo mu gihe IPRC Huye BBC (W) izahangana na UBUMWE BBC (w) (15:00') mu nzira yo gushaka umwanya wa gatatu muri shampiyona y' abagore.


Gira icyo ubivugaho


INKURU BIJYANYE


By Kwizera Yamini
Nov 26, 2017 3695 Views

By Kwizera Yamini
Dec 7, 2017 7592 Views

By Kwizera Yamini
Jan 21, 2018 3012 Views