Antonio Conte yatangaje igikombe yifuza kwitwaramo neza mu ikipe ya Chelsea muri uyu mwaka w’imikino.

By Kwizera Yamini Nov 20, 2017 04:20am 961 Views

Antonio Conte yatangaje igikombe yifuza kwitwaramo neza mu ikipe ya Chelsea muri uyu mwaka w’imikino.


Umutoza wa Chelsea witwa Antonio Conte, yatangaje igikombe yifuza kwitwaramo neza hamwe n’iyi kipe muri uyu mwaka w’imikino.

Ikipe ya Chelsea ihagaze kumwanya wa gatatu irarushwa amanota icyenda yose na Manchester City iyoboye urutonde rw’agateganyo rwa shampiyona y’abongereza. Gusa nanone muri iki cyumweru ikipe ya Chelsea ishobora kubona itike yo gukina imikino y’icyiciro gikurikira (cyo gukuranamo) mu irushanwa rihuza amakipe yabaye ayambere iwayo k’umugabane w’iburayi.

Chelsea yari yitezweho ko uyu mwaka igomba guhatanira igikombe cya shampiyona ikacyisubiza, gusa umutoza wayo Antonio Conte aratangaza ko ubu imbaraga nyinshi agiye kuzishyira ku irushanwa rihuza amakipe yabaye yambere iwayo k’umugabane w’iburayi rizwi nka UEFA Champions League nyuma yo kubonako bigoranye gufata Manchester City ifite umuvuduko udasanzwe.

Aganira n’itangazamakuru yitegura umukino afite kuri uyu wagatatu azakinamo n’ikipe ya Qarabag, Antonio Conte yagize ati:”Kuwa gatatu dufite umukino w’ingenzi mumwaka wacu w’imikino.

“Kubera ko nituramuka dutsinze Qarabag tuzakomeza mucyiciro gikurikira. Ibyo bizaba ari ingenzi cyane. Ntabwo bizoroha kuko Qarabag iheruka kunganya imikino ibiri iheruka gukina na Athletico Madrid ndetse na Roma yayitsinze yiyushye akuya. Bizaba ari ingenzi nituwitaho (uyu mukino).

Ikipe ya Chelsea iheruka gutsinda West Brom ibitego bine kubusa muri iyi wikendi tuvuyemo. Gusa umutoza Antonio Conte arasanga ikipe ya Manchester City bahataniye igikombe cya shampiyona idashobora guhagarikwa.

 

Yagize ati:”Ubu biragoye gutekereza ko hari uwabahagarika. Ntabwo biterwa natwe. Bari gukina neza cyane kandi bakabona umusaruro utangaje. Bari kwitwara neza cyane kuko bamaze gutsinda imikino yose ukuyemo uwo banganyije na Everton.


Gira icyo ubivugaho


INKURU BIJYANYE


By Kwizera Yamini
Oct 26, 2017 2907 Views

By Kwizera Yamini
Oct 26, 2017 7763 Views

By Kwizera Yamini
Oct 26, 2017 3778 Views