Amakuru avugwa mu ikipe ya Chelsea mbere y’umukino wa Newcastle:

By Kwizera Yamini Nov 30, 2017 11:42am 1613 Views

Amakuru avugwa mu ikipe ya Chelsea mbere y’umukino wa Newcastle:


Muri iyi wikendi ikipe ya Chelsea igomba kwakira ikipe ya Newcastle mumukino wo k’umunsi wa 15 wa shampiyona y’abongereza izwi nka English premier League.

Chelsea igiye kwakira uyu mukino ifite akanyamuneza kuko k’umugoroba w’ejo kuwa gatatu yabashije gutsinda ikipe ya Swansea City igitego kimwe kubusa, umusaruro mwiza nyuma yo kunganya n’ikipe ya Liverpool FC igitego kimwe kukindi muri wikendi ishize.

Chelsea imaze imikino igera kuri irandatu yose idatsindwa, gusa iyi kipe birasa n’aho bitakiyishobokeye kwisubiza igikombe cya shampiyona y’abongereza kuko kugeza ubu irushwa amanota 11 yose na Manchester City iyoboye urutonde rw’agateganyo.

Dore muri rusange amakuru avugwa mu ikipe ya Chelsea mbere y’uyu mukino:

Abakinnyi bavunitse: Michy Batshuayi kugeza ubu ntabwo yari yakira imvune aheruka kugira ubwo yari ari mu ikipe y’igihugu cy’ububiligi. Uyu mukinnyi akaba atazagaragara kuri uyu mukino wa Newcastle United.

 Charly Musonda ndetse na Kenedy nabo ni abandi bakinnyi ba Chelsea batazagaragara kuri uyu mukino nyuma yo kuvunika imvune zidakanganye ubwo bari bri mumyitozo y’ikipe ya Chelsea, tutibagiwe na David Luiz nawe wavunitse nk’uko Antonio conte utoza iyi kipe yabitangarije itangazmakuru.

Amakuru meza kubakunzi b’ikipe ya Chelsea ni uko umukinnyi wayo ukomoka mugihugu cya Nigeria witwa Victor Moses ashobora kugaragara kuri uyu mukino nyuma yo gushyirwa k’urutonde rw’abakinnyi Antonio Conte yakoresheje k’umukino iyi kipe yatsinzemo ikipe ya swansea City n’ubwo umukino warangiye atageze mukibuga.

Abakinnyi bahagaritswe: Ntamukinnyi n’umwe wa Chelsea wahagaritswe gukina uyu mukino. Gusa, abakinnyi barimo Alvaro Morata, Antonio Rudiger bamaze kwerekwa amakarita y’umuhondo ubugira kane, bagomba kwitondera kwerekwa ikarita y’umuhondo kuri uyu mukino, kuko bahita bahagarikwa k’umukino utaha kuko bazaba bujuje amakarita atanu.

Abandi bakinnyi barimo David Luiz ndetse na Marcos Alonso bose bamaze kwerekwa amakarita atatu y’umuhondo.

K’urundi ruhande ariko umutoza wa Chelsea witwa Antonio Conte ashobora kutagaragara kuri uyu mukino naramuka ahanwe n’ishyirahamwe ry’umupira w’amaguru ryo mugihugu cy’ubwongereza ryitwa FA kubera imyitwarire idahwitse yagaragaje k’umukino wa Swansea City.

Abakinnyi bashobora kubanza mukibuga: antonio Conte yitezweho kubanza Thibaut Courtois mu izamu nk’ibisanzwe. Uyu mutoza kandi ashobora gukoresha ubwugarizi bw’abakinnyi batatu bazaba bayobowe na Christensen afatanije na Garry Cahill ndetse na Cesar Azpilicueta.

Abakinnyi bane bazaba bahagaze mukibuga hagati barimo Cesc Fabregas na N’Golo Kante bafatanije na Alonso ndetse na Victor Moses.

Abakinnyi batatu bazaba bayobowe na Alvaro Morata nibo bazaba bashakira ibitego iyi kipe afatanije na Willian ndetse na Eden Hazard.

 

 Ikibazo cy'umunsi: Ese ubona ikipe ya Manchester United yiteguye guhatana na Manchester City kugikombe cya shampiyona?


Gira icyo ubivugaho


INKURU BIJYANYE


By Kwizera Yamini
Oct 26, 2017 2907 Views

By Kwizera Yamini
Oct 26, 2017 7763 Views

By Kwizera Yamini
Oct 26, 2017 3778 Views