Abafana barindwi bafunzwe nyuma y'umukino Arsenal yatsinzemo Totenham 4-2

By Ngabo Frank Dec 3, 2018 10:59am 104 Views

Abafana barindwi bafunzwe nyuma y'umukino Arsenal yatsinzemo Totenham 4-2


Mu mukino w'ishyiraniro wabereye kuri stade y'ikipe ya Arsenal Emirates Stadium ejo ku cyumweru tariki 2 Ukuboza 2018 ikipe ya Arsenal yanyagiye ikipe ya Totenham ibitego 4-2 mu mukino waranzwe n'ihangana rikomeye ku mpande zombi ugasiga bamwe mu bafana bafunzwe n'abashinzwe umutekano.

Arsenal ni yo yafunguye amazamu kuri Penalty yinjijwe na Piere Aubameang nyuma y'ikosa ryari rikozwe na Vertongen ku munota wa cumi, mbere y'uko Eric Dier na Harry Kane (kuri penalty) batsindira Totenham ibitego aho igice cya mbere cyarangiye ari ibitego bibiri bya Totenham kuri kimwe cya Arsenal.

Mu minota 45 y'igice cya kabiri Arsenal yinjije ibitego bitatu byatsinzwe na Aubameang,Toreira ndetse na Lacazette mbere y'uko myugariro wa Totenham Jan vertongen yerekwa ikarita ya kabiri y'umuhondo agasohoka mu kibuga ku munota wa 85'.

Mu minota ya nyuma y'umukino umufana wa Totenham utavuzwe izina yagerageje gutera Aubameang igishishwa cy'urubuto rw'umuneke cyifashishwa na bamwe mu bazungu badakunda abirabura mu rwego rwo kugaragaza irondaruhu, aho uyu mufana yaje gufatwa na Police arafungwa.

Umuvugizi wa Totenham yahamije amakuru avuga ko hari umufana wa Totenham wafunzwe azira irondaruhu kandi ko biteguye kumuha ibihano byihariye by'ikipe birimo no guhagarikwa ku bibuga.

Si uyu mufana wazize irondaruhu wafunzwe gusa kuko hari abandi bafana batandatu barimo bane ba Totenham na babiri ba Arsenal bafashwe na Police kubera kunywera ibiyobyabwenge mu mbaga nyamwinshi nkuko byanditswe na BBC SPORTS.

Umunsi wa 14 wa shampiyona y'ubwongereza usize Arsenal ku mwanya wa 4 aho inganya amanota 30 na Totenham iri ku mwanya wa gatanu zombi zikarushwa amanota 8 na Manchester city iri ku mwanya wa mbere.


Gira icyo ubivugaho


INKURU BIJYANYE


By Kwizera Yamini
Nov 23, 2017 3262 Views

By Kwizera Yamini
Nov 26, 2017 2170 Views

By Kwizera Yamini
Dec 7, 2017 4355 Views