Kuri iki cyumweru, APR FC na Rayon Sports zirakina imikino ya gicuti bitegura Agaciro Cup

By Ngabo Mihigo Frank Sep 8, 2019 11:53am 813 Views

Kuri iki cyumweru, APR FC na Rayon Sports zirakina imikino ya gicuti bitegura Agaciro Cup


Mu masaha y'amanywa yo kuri iki cyumweru tariki 8,Nzeri 2019, amakipe ya Rayon Sports na APR FC arakina imikino ya gicuti yitegura imikino y'irushanwa ry' Agaciro Development Fund rizaba mu cyumweru gitaha.

Kuri stade ya Kicukiro harabera umukino uhuza ikipe ya Gasogi United FC na APR FC mu mukino utangira i saa 15:00' aho Gasogi FC ikomeje gusuzuma urwego rw'abakinnyi bashya yaguze no kurushaho gutuma bahuza imikinire mu gihe APR FC yitegura Agaciro Cup.

Ku rundi ruhande, i saa 15:30' ikipe ya Rayon sports iracakirana na Musanze FC kuri stade ya Kigali i Nyamirambo, aho Musanze FC na yo ikomeje guhuza  umukino hagati y'abakinnyi ba yo bashya n'abasanzwe, mu gihe Rayon Sports na yo yitegura Agaciro Cup.

Irushanwa ry' Agaciro Cup rizaba kuva tariki 13 kugeza 15,Nzeri 2019, aho imikino ibanza izaba tariki 13 i saa 15:30' na saa 18:00' kuri stade ya Kigali i Nyamirambo mu gihe imikino ya nyuma yo guhatanira igikombe n'umwanya wa gatatu izaba tariki 15 kuri stade Amahoro i Remera i saa 13:00' na saa 15:30'.

Ikipe ya Rayon Sports yatwaye igikombe cya shampiyona y'umwaka wa 2018-2019, izatangira iri rushanwa ikina na Police FC yabaye iya kane, naho APR FC yabaye iya kabiri ikine na Mukura VS&L yabaye iya gatatu, abatsinze bazahurire ku mukino wa nyuma naho abatsinzwe bazahatanire umwanya wa gatatu.


1 Comments

amani

September 08th, 2019 - 12:41PM

ni byiza

Gira icyo ubivugaho


INKURU BIJYANYE


By Kwizera Yamini
Nov 26, 2017 3697 Views

By Kwizera Yamini
Dec 7, 2017 7593 Views

By Kwizera Yamini
Jan 21, 2018 3012 Views